بۇل زووباق وڭتۇستىك ارالدا, كرايستچەرچ قالاسىنىڭ ماڭىندا ورنالاسقان, اۋماعى — 80 گەكتار. مۇندا جانۋارلار تابيعي تىرشىلىك ورتاسىنا وتە جاقىن جاعدايدا ءومىر سۇرەدى. زووباقتىڭ ەڭ ەرەكشە قىزمەتى — ارىستاندارمەن قاۋىپتى كەزدەسۋگە ارنالعان ارنايى ەكسكۋرسيا. ياعني قوناقتار اۋەلى تەمىر تورلى ارنايى جاشىككە وتىرعىزىلادى. سودان سوڭ جاشىكتى ارىستاندار مەكەندەيتىن اۋماققا الىپ كىرەدى. ءسويتىپ, ارىستاندار تور ىشىندەگى ادامداردى اينالىپ جۇرەدى, تورعا سەكىرىپ, يىسكەلەپ, ءتىپتى تىرناپ كورەدى. بۇل اسەر سىزگە ءوزىڭىزدى توردا وتىرعان اڭ سەكىلدى, ال ارىستاندار — ەركىن جۇرگەن باقىلاۋشىلار سەكىلدى سەزىندىرەدى.
