«AQYL» دەپوزيتىن اشۋدىڭ ءتورت ءتاسىلى بار
- باسپانا ماركەت پورتالىندا. ول ءۇشىن وtbasybank.kz سايتىندا جەكە كابينەتكە كىرۋ كەرەك, سودان كەيىن «مەنىڭ بانكىم» قويىندىسىن اشىپ, «دەپوزيتتەرگە» ءوتۋ كەرەك. ءارى قاراي «جاڭا دەپوزيت» باتىرماسىن باسىپ, «AQYL» دەپوزيتىن اشۋ قاجەت;
- وتباسى بانكتىڭ Otbasy bank ءموبيلدى قولدانباسىندا. ول ءۇشىن ءموبيلدى قولدانبادا «مەنىڭ بانكىم» باتىرماسىن باسۋ كەرەك, سودان كەيىن «جاڭا دەپوزيتتى اشۋ» قويىندىسىنا ءوتىپ, ءبىلىم دەپوزيتىن اشۋ باتىرماسىن تاڭداۋ كەرەك.
- بانك بولىمشەلەرىندە;
- كەڭەسشىلەردىڭ كومەگىمەن https://hcsbk.kz/network-agents/ سىلتەمەسى ارقىلى ءوز قالاڭىزداعى كەڭەسشىنى تاڭداۋعا بولادى;
- بانكتىڭ hcsbk.kz سايتىنداعى بەينە قوڭىراۋ ارقىلى.
وتباسى بانكتە «AQYL» دەپوزيتتەرى بۇرىن اشىلىپ قويعان ادامدار نە ىستەۋى كەرەك؟
ەگەر وتباسى بانكتە «AQYL» دەپوزيتى بۇرىن اشىلىپ قويعان بولسا جانە 2025 جىلدىڭ ءبىرىنشى جارتىجىلدىعىندا بالا 5 جاسقا تولسا, وندا اتا-انالار وسى جىلدىڭ 15 مامىرىنان باستاپ 2025 جىلدىڭ 30 ماۋسىمىن قوسا العانعا دەيىن باسپانا ماركەت (otbasybank.kz) پورتالىنداعى جەكە كابينەتىندە «AQYL» دەپوزيتىنە قوسىمشا كەلىسىمگە قول قويىپ ۇلگەرۋلەرى قاجەت.
ول ءۇشىن otbasybank.kz سايتىندا جەكە كابينەتكە كىرىپ, سودان كەيىن «مەنىڭ بانكىم» جانە «دەپوزيتتەر» قويىندىسىنا ءوتۋ قاجەت. وندا قوسىمشا كەلىسىمگە قول قويۋ تۋرالى حابارلاما اۆتوماتتى تۇردە پايدا بولادى. ءبىر رەت باسۋ ارقىلى قول قويىلادى – بۇل ءۇشىن SMS-پەن كەلەتىن كودتى ەنگىزۋ جەتكىلىكتى.
«Otbasy bank» ءموبيلدى قوسىمشاسىندا كەلىسىمگە قول قويۋ قىزمەتى الداعى كۇندەرى قولجەتىمدى بولادى. بانك بۇل تۋرالى ءوز كليەنتتەرىنە قوسىمشا حابارلايدى.
مەملەكەتتىك ءبىلىم بەرۋ كاپيتالى قاشان تۇسەدى؟
235 920 تەڭگە مولشەرىندەگى مەملەكەتتىك ءبىلىم بەرۋ كاپيتالىن بالالارىڭىزدىڭ «AQYL» ءبىلىم بەرۋ دەپوزيتتەرىنەن كەلەسى مەرزىمدە جانە جاعدايلاردا كورۋگە بولادى:
2025 جىلدىڭ 31 تامىزىنا دەيىن, ەگەر ءبىرىنشى جارتىجىلدىقتا بالالار 5 جاسقا تولسا جانە ولارعا «AQYL» دەپوزيتى اشىلسا نەمەسە 2025 جىلدىڭ 30 ماۋسىمىنا دەيىن قولدانىستاعى «AQYL» دەپوزيتىنە قوسىمشا كەلىسىمگە قول قويىلسا.
2026 جىلدىڭ 28 اقپانىنا دەيىن, ەگەر بالالار 2025 جىلدىڭ 1 شىلدەسىنەن 31 جەلتوقسانعا دەيىنگى كەزەڭدە 5 جاسقا تولسا جانە ولارعا «AQYL» دەپوزيتى اشىلسا نەمەسە بيىل قولدانىستاعى «AQYL» دەپوزيتىنە قوسىمشا كەلىسىمگە قول قويىلسا.
«كەلەشەك» باعدارلاماسى اياسىندا بالالار مەملەكەتتەن قانشا سوما الادى؟
باستاپقى ءبىلىم بەرۋ كاپيتالى 2025 جىلى 60 اەك نەمەسە 235 920 تەڭگەنى قۇرايدى.
جەتىم بالالار مەن اتا-اناسىنىڭ قامقورلىعىنسىز قالعان بالالار ءۇشىن باستاپقى ءبىلىم بەرۋ كاپيتالى 2025 جىلى 120 اەك نەمەسە 471 840 تەڭگەنى قۇرايدى.
قانداي جاعدايلاردا باستاپقى كاپيتال بيۋدجەتكە قايتارىلادى؟
مەملەكەتتiڭ باستاپقى كاپيتالى «AQYL» دەپوزيتiنە ەسەپتەلەدi.
ونى ساقتاۋ ءۇشىن اتا-انالار «AQYL» دەپوزيتىنە بالالارى كامەلەتكە تولعانعا دەيىن نەمەسە ءبىلىم بەرۋ ۇيىمىنا تۇسكەنگە دەيىن جىل سايىن جارنا سالىپ تۇرۋلارى قاجەت.
ءبىر جىلداعى ەڭ تومەنگى جارنا 2025 جىلى 24 اەك نەمەسە 94 368 تەڭگە.
حالىقتىڭ الەۋمەتتىك وسال توپتارى ساناتىنداعى بالالار ءۇشىن – 2025 جىلى 12 اەك نەمەسە 47 184 تەڭگە.
جەتىم بالالار مەن اتا-اناسىنىڭ قامقورلىعىنسىز قالعان بالالارعا اشىلعان «AQYL» دەپوزيتىنە جىل سايىن مىندەتتى جارنالاردى سالۋدىڭ قاجەتى جوق.
