depositphotos.com
دارىگەرلەردىڭ ايتۋىنشا, تەڭىز دەڭگەيىنەن 1500–2000 مەتر بيىكتىكتە وتەتىن ساباقتار بالالاردىڭ جۇرەك-قانتامىر جۇيەسىنە جاعىمدى اسەر ەتىپ, ولاردىڭ توزىمدىلىگىن قاراپايىم مەكتەپ الاڭىنا قاراعاندا الدەقايدا ءتيىمدى ارتتىرادى. وسىنى ەسكەرگەن جاڭا تاۋ كلاستەرى جوباسىندا ارنايى وقۋ ايماقتارى قاراستىرىلعان. ولار تۋريستىك اعىمنان وقشاۋلانىپ, بەينەباقىلاۋ قۇرىلعىلارى مەن قۇتقارۋ قىزمەتتەرىمەن جابدىقتالعان كەڭ جاسىل جولاقتار مەن شاڭعى ۇيرەتۋ بەتكەيلەرىن قامتيدى.
بۇل جوبا تاۋلى جەردە دەنە شىنىقتىرۋ ساباقتارىن مەكتەپ ستاديونىنداعىداي قاۋىپسىز ەتۋگە جاعداي جاسايدى, الايدا دەنساۋلىققا تيگىزەر پايداسى بىرنەشە ەسە جوعارى بولماق. سونىمەن قاتار, كلاستەر ينفراقۇرىلىمى لوگيستيكالىق تۇرعىدان دا ىڭعايلى: مەكتەپتەردەن نەبارى 30 مينۋتتىق جەردە ورنالاسۋى ونىڭ كۇندەلىكتى قولدانىلۋىنا مۇمكىندىك بەرەدى. ناتيجەسىندە, بۇل باستاما وقۋشىلار ءۇشىن سيرەك وتكىزىلەتىن ەكسكۋرسيا ەمەس, جۇيەلى تاجىريبەگە اينالىپ, جاستاردىڭ فيزيكالىق بەلسەندىلىگىن ارتتىرىپ, مەكتەپ سپورتىنىڭ ساپاسىن جاڭا دەڭگەيگە كوتەرەدى. بۇل ءوز كەزەگىندە بولاشاق سپورت جەتىستىكتەرىنىڭ نەگىزىن قالايتىن ماڭىزدى قادام بولماق.
