الەۋمەتتىك جەلىدە جاريالانعان بەينەجازبادا شانداقسور سۋ قويماسىنىڭ جيەگىندە ءولىپ جاتقان بالىقتاردى بايقاۋعا بولادى. ونى جەرگىلىكتى تۇرعىندار تۇسىرگەن.- جاعانىڭ ءبارى تولعان ءولى بالىق. الابۇعا, اققايران, كوكسەركە, شورتان جانە باسقا دا بالىقتار الدەبىر جاعدايدا قىرىلىپ جاتىر.
جاعاجايدى ك ۇلىمسى ءيىس باسىپ تۇر. بۇل جاعداي سۋعا ميكروسفەرانىڭ ارالاسىپ كەتۋىنەن بولۋى مۇمكىن. سەبەبى سۋ جيەگى كوبىكتەنىپ, ميكروسفەرانى جاعاعا الىپ شىعىپ جاتقانىن كورىپ تۇرمىز. سۋ جانۋارلارى سودان ۋلانعان,-دەپ باياندايدى بەينەجازبانى ءتۇسىرۋشى ادام.
انىقتاعانىمىزداي, شانداقسور سۋ قويماسى №2 ەكىباستۇز گرەس ستانساسىنىڭ جانىندا, سولنەچنىي كەنتىندەورنالاسقان ورىن تەپكەن. «زايسان-ەرتىس وبلىسارالىق باسسەيندىك بالىق شارۋاشىلىعى ينسپەكتسياسى» رمم-ءنىڭ پاۆلودار وبلىسى بويىنشا بالىق ينسپەكتسياسى ءبولىمىنىڭ باسشىسى سامال تەمىربولاتوۆانىڭ ايتۋىنشا, اتالعان وقيعا بويىنشا وبلىستا كوميسسيا قۇرىلعان.
-بۇگىن ءبىزدىڭ مەكەمەنىڭ, ەكولوگيا, توتەنشە جاعدايلار, ۆەتەرينارلىق, سانيتارلىق قىزمەت ورگاندارىنىڭ ماماندارى اتالعان سۋ ايدىنىنا كەتتى. ولار كولدەگى جاعدايدى زەردەلەپ, سۋدان سىناما الدى. سىنامالار ودان ءارى زەرتحاناعا جىبەرىلەدى. توتەنشە جاعداي ەكولوگيالىق نەمەسە سانيتارلىق فاكتورلاردان تۋىنداۋى ىقتيمال. ءبىزدىڭ الدىن الا بولجامىمىز - ستانسادان ىستىق سۋ قۇيىلىپ, سۋ جانۋارلارى سودان قىرىلۋى ىقتيمال. بىراق بۇل بولجام عانا. بالىقتاردىڭ جاپپاي قىرىلۋىنا وزگە دە جايتتار ىقپال ەتۋى مۇمكىن,-دەيدى سامال تەمىربولاتوۆا.
شانداقسور سۋ قويماسىندا ەكى پايدالانۋشى بار. ءبىرى – گرەس-2 كاسىپورنى بولسا, ەكىنشى بولىگىندە – جانۋارلار دۇنيەسىن پايدالانۋشى جەكە كاسىپكەر ورنالاسقان. كاسىپكەر ءار كۇزدە بالىقتاندىرۋدى جۇزەگە اسىرادى ءارى جىل سايىن بولىنگەن ليميت بويىنشا بالىق اۋلايدى.
وتكەن جىلى 53 توننا بالىق اۋلاعان. مۇندا شورتان, كوكسەركە, سازان, وڭعاق, تابان, موڭكە, اققايران, الابۇعا جانە تاعى باسقا بالىق تۇرلەرى بار. بىراق سۋ شەكارالارى اراسىندا ەشبىر بوگەت نەمەسە قورشاۋ ورناتىلماعان. ستانسادان تازارتىلىپ شىعاتىن سۋلار شانداقسورعا تۇتاسىمەن ارالاسىپ كەتەدى.
پاۆلودار وبلىسى
