بۇعان دەيىن دياس سوۆەتقالي ۇلى ميىنا قان قۇيىلىپ, كوماعا تۇسكەنى جايلى جازعان ەدىك.
ونداعى مالىمەتكە ساي, وقيعا اقتاۋدا قالاسىندا بولعان. كەيىن دارىگەرلەر ونىڭ جاعدايىن اسا اۋىر دەپ باعالاعان. اقىرى سول ناۋقاسىنان وڭالا الماي, بۇگىن ومىردەن ءوتتى.
دياس احمەتشارىپ ەڭبەك جولىن 1997 جىلى قازاق راديوسىنىڭ رەپورتەرى بولىپ باستاعان. ۇزاق جىل «حابار» اگەنتتىگى مەن «قازاقستان» تەلەارناسىندا سپورت ءجۋرناليسى بولعان.
«قازسپورت» مەملەكەتتىك تەلەارناسىنىڭ تۇڭعىش ديرەكتورى, «Insport» تەلەارناسىنىڭ باس رەداكتورى قىزمەتىن اتقارعان.
2003-2007 جج. — قر سپورت جانە تۋريزم ىستەرى اگەنتتىگىنىڭ ءباسپاسوز قىزمەتىنىڭ باسشىسى, ءباسپاسوز حاتشىسى;
2010 — 2012 جج. — «استانا-سك» كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى (سپورتتى قولداۋ قورى);
2012-2013 جج. — قر سپورت جانە دەنە شىنىقتىرۋ ىستەرى اگەنتتىگى توراعاسىنىڭ كەڭەسشىسى بولدى.
وليمپيادا جانە ازيا ويىندارىنىڭ, سپورت تۇرلەرىنەن الەم چەمپيوناتتارىنىڭ سپورت شولۋشىسى جانە قر قۇراماسىنىڭ ءباسپاسوز اتتاشەسى بولدى.
ەسكە سالساق, 2023 جىلدىڭ كۇزىندە دياس احمەتشارىپ تۋريزم جانە سپورت ءمينيسترىنىڭ قوعاممەن بايلانىس جانە باق جونىندەگى كەڭەسشىسى قىزمەتىنە تاعايىندالعان ەدى.
سونىمەن قاتار ول ىشكى ىستەر مينيسترلىگى جانىنداعى ەسىرتكى قىلمىسىنا قارسى كۇرەس جونىندەگى كەڭەستىڭ قۇرامىندا جۇمىس ىستەدى.
