وبلىس اكىمىنىڭ ورىنباسارى جاسۇلان بيسەمبيەۆتىڭ ايتۋىنشا, 2023–2025 جىلدارعا ارنالعان كەشەندى جوسپارداعى 16 تارماقتىڭ 4-ەۋى تولىق ورىندالماي وتىر.
«بىرىنشىدەن, تۇنگى كلۋبتارداعى رەيدتىك شارالار جۇيەسىز جۇرگىزىلگەن. ەكىنشىدەن, CADCA ءادىسناماسى نەگىزىندەگى جەرگىلىكتى مودەل قالىپتاستىرىلماي وتىر. ۇشىنشىدەن, وبلىستىق پسيحيكالىق دەنساۋلىق ورتالىعىندا ەمدەلۋشىلەردىڭ تىگىن شەبەرحانالارىندا جاساعان ءتۇرلى بۇيىمدارى ساتىلماي قالعان», دەدى جاسۇلان بيسەمبيەۆ.
وبلىستىق دەنساۋلىق ساقتاۋ باسقارماسىنىڭ باسشىسى قايسار ابداليەۆتىڭ دەرەگىنە قاراعاندا, 4 ايدا پسيحيكاعا اسەر ەتەتىن بەلسەندى زاتتاردى قولدانعان 2500-دەن استام ادام ديناميكالىق باقىلاۋعا الىنعان.
«قازىر اتىراۋ وبلىسىندا ەسىرتكىگە تاۋەلدىلىكپەن 530-عا جۋىق ادام تىركەۋدە تۇر. ونىڭ ىشىندە 76 ادام ستاتسيونارلىق ەم قابىلدادى. ماجبۇرلەپ ەمدەۋ بولىمىنە 18 ادام جاتقىزىلدى. ارنايى واقت باعدارلاماسىمەن سايكەس 8 ناۋقاس ەمدەلىپ جاتىر. ال 13 ادام ەسىرتكىدەن باس تارتتى», دەيدى قايسار ابداليەۆ.
«باستى ماقساتىمىز – جاستاردى ەسىرتكىگە تاۋەلدىلىكتەن اراشالاۋ. بۇل كۇرەسكە قوعام بولىپ جۇمىلۋىمىز قاجەت. ءار ۆەدومستۆو, ءار ادام ءوز ۇلەسىن قوسقاندا عانا ناتيجە بولادى. بىراق, وسى كەزگە دەيىن جوسپارلانعان جۇمىس ءوز دەڭگەيىندە اتقارىلماعاندىقتان, بۇل ماسەلەنى باقىلاۋدا ۇستايتىن بولامىز. ناقتى ناتيجەلەرگە قول جەتكىزۋ ءۇشىن جۇيەلى ءىس-شارالار اتقارىلۋى قاجەت», دەيدى جاسۇلان بيسەمبيەۆ.
