«سىمدى ينتەرنەت نارىعىنداعى باسەكەلەستىكتىڭ جاي-كۇيىنە جوسپارلى تالداۋ جۇرگىزۋ بارىسىندا «قازاقتەلەكوم» اق تاراپىنان ءۇي ينتەرنەتىنە مونوپوليالىق جوعارى باعا بەلگىلەۋ انىقتالدى. قازىرگى تاڭدا وسى فاكتى بويىنشا تەرگەۋ ءجۇرىپ جاتىر», دەدى بولات سامبەتوۆ. ايتۋىنشا, اگەنتتىككە ۇيالى بايلانىس پەن ينتەرنەت قىزمەتى باعاسىنىڭ وسۋىنە بايلانىستى ازاماتتاردان كوپ شاعىم تۇسكەن. وسى ماسەلەنى ەسكەرە وتىرىپ, بىرنەشە باعىت بويىنشا تەرگەۋ جۇمىستارى جۇرگىزىلىپ كەلەدى. «بىلتىرعى جىلى جۇرگىزىلگەن مونيتورينگ قورىتىندىسى بويىنشا ۇيالى بايلانىس وپەراتورلارىنىڭ تاريفتەرىندە دە مونوپوليالىق باعا بەلگىلەۋ بەلگىلەرى بايقالدى. قازىر زاڭ تالاپتارىنا سايكەس نارىققا تالداۋ ءجۇرىپ جاتىر. ەگەر بۇل تالداۋ باعانىڭ نەگىزسىز ەكەنىن دالەلدەسە, تەرگەۋ قايتا باستالادى», دەدى اگەنتتىك توراعاسىنىڭ ورىنباسارى.
