اتىراۋ قالالىق توتەنشە جاعدايلار باسقارماسى باستىعىنىڭ ورىنباسارى ءسابيت بوراشەۆتىڭ ايتۋىنشا, جازعى كەزەڭدە بالالاردى قاراۋسىز قالدىرۋ وكىنىشكە ۇلاسار وقيعاعا ۇرىندىرۋى مۇمكىن.
«اتا-انالار بالالارىن ۇيىندە, سۋ ايدىندارىنىڭ جاعالاۋىندا قاراۋسىز قالدىرادى. مۇنداي نەمقۇرايلىقتىڭ سالدارىنان وپىق جەيتىنىن ۇعىسعىسى كەلمەيدى. ماسەلەن, بىلتىر اتىراۋ قالاسىندا شومىلۋ ماۋسىمىندا 13 ادام سۋعا باتىپ كەتتى. وكىنىشكە قاراي ونىڭ ىشىندە كامەلەتكە تولماعان 8 بالا بار. ال 12 بالا تەرەزەدەن قۇلادى», دەيدى ءسابيت بوراشەۆ.
ونىڭ ايتۋىنا قاراعاندا, بيىل وقىس وقيعانىڭ الدىن الۋ شارالارى كۇشەيتىلگەن.
«سۋ ايدىندارىنىڭ جاعالاۋىنا 150-دەن استام ەسكەرتۋ بەلگىسى ورناتىلدى. ەندى تاعى قوسىمشا 50 بەلگىنى ورناتۋ كوزدەلىپ وتىر. قۇتقارۋشىلار مەن پوليتسيا قىزمەتكەرلەرى قاۋىپتى اۋماقتاردى باقىلاۋعا الىپ, كەزەكشىلىك جۇرگىزىپ وتىر», دەدى ءسابيت بوراشەۆ.
