ءتۋريزمنىڭ دامۋىنا كوركەم تابيعاتپەن قاتار بەلسەندى ينۆەستيتسيالار دا ىقپال ەتىپ وتىر. جىل ىشىندە سالاعا 15 ملرد تەڭگە ينۆەستيتسيا سالىنىپ, بەس ءىرى تۋريستىك نىسان پايدالانۋعا بەرىلدى. ورنالاستىرۋ قىزمەتتەرىنىڭ كولەمى 8 ملرد تەڭگەنى قۇرادى, سونداي-اق وڭىردە 500-دەن استام ورىنعا ارنالعان جاڭا نومىرلىك قور قوسىلدى. 2029 جىلعا دەيىن تۋريستەر اعىنىن جىلىنا 650 مىڭ ادامعا دەيىن ارتتىرۋ جوسپارلانىپ وتىر.
ونىڭ ىشىندە سامار اۋدانىنىڭ دا تۋريزم الەۋەتى جوعارى. سارىبەل جاعالاۋى عانا ەمەس, قايىڭدى, قاراكول وڭىرلەرى دە تۋريست تارتۋعا تاپتىرماس ورىن. ق ۇلىنجون قورىعى دا ەرەكشە اۋماق.
ايتار بولساق, وبلىستا بىلتىر 600 شاقىرىم جول جوندەلدى, ونىڭ ىشىندە تۋريستىك ايماقتارعا اپاراتىن باعىتتار بار. بيىل تاعى 721 شاقىرىم جول جوندەلمەك. بۇقتىرما سۋ قويماسى ارقىلى وتەتىن كوپىر قۇرىلىسىنىڭ اياقتالۋى ماڭىزدى وقيعا. بۇل كوپىر التى اۋداندى بايلانىستىرىپ, تۇرعىندار مەن قوناقتار ءۇشىن ماڭىزدى كولىك ارتەرياسىنا اينالدى. سونىڭ ارقاسىندا سامار توعىز جولدىڭ تورابىنا اينالدى.
جول بويىندا ءار اۋدانعا ەكى سانيتارلىق-گيگيەنالىق توراپ ورناتۋ تاپسىرماسىنا سايكەس, ءارتۇرلى اۋداندا بارلىعى 12 نىسان ىسكە قوسىلدى.
كوپتەن كۇتكەن جوبالاردىڭ ءبىرى – كاتونقاراعاي اۋدانىندا جانە زايسان قالاسىندا ەكى جاڭا اۋەجايدىڭ سالىنۋى. قۇرىلىس جۇمىستارى باستالىپ, اياقتالۋى وسى جىلدىڭ سوڭىنا جوسپارلانعان. بۇل وبلىستىڭ الىس, بىراق تابيعاتى ەرەكشە اسەم ايماقتارىنا قولجەتىمدىلىكتى ايتارلىقتاي جەڭىلدەتەدى.
شىعىس قازاقستان ءتۋريزمدى «4E» تۇجىرىمداماسى بويىنشا دامىتۋدا: ەكوتۋريزم, ەتنوتۋريزم, ءىس-شارالار مەن ويىن-ساۋىق. بۇل باعىتتار ءوز ناتيجەسىن بەرە باستادى. Altai Fest, «شىعىس سالبۋرىنى» جانە سامار اۋدانىنداعى بالىق اۋلاۋ مەرەكەسى مىڭداعان قاتىسۋشىنى جينادى. بيىل جازعى تۋريستىك ماۋسىمدا كاتونقاراعاي اۋدانىندا حالىقارالىق «رافتينگ فەستيۆالى» جانە ۇلان اۋدانىندا «شىعىس سالبۋرىنى 2025» وتەدى دەپ كۇتىلۋدە. بۇل شارالار دۇنيەجۇزىلىك تۋريستىك ۇيىمنىڭ (UNWTO) كۇنتىزبەسىنە ەنگىزىلۋى مۇمكىن.
2024 جىلى «اۋىل اماناتى» باعدارلاماسى اياسىندا تۋريزم سالاسىنداعى جەرگىلىكتى باستامالاردى قولداۋ ءۇشىن 467,6 ملن تەڭگەگە 27 جوبا قارجىلاندىرىلدى. 2025 جىلى بۇل كورسەتكىش 1,5 ملرد تەڭگەگە دەيىن ارتادى.
شىعىس قازاقستان تابيعي سۇلۋلىقتى, ۇلتتىق بولمىستى جانە زاماناۋي ينفراقۇرىلىمدى ۇيلەستىرە وتىرىپ, ەلدىڭ جەتەكشى تۋريستىك وڭىرلەرىنىڭ ءبىرى رەتىندەگى ورنىن نىقتاي تۇسۋدە.
