دجەكي چاننىڭ ۇلى جازاسىن وتەپ, تۇرمەدەن شىقتى

استانا. 13 اقپان. امەريكانىڭ تەگى قىتايلىق بەلگىلى كينواكتەرى دجەكي چاننىڭ ۇلى جۇما, 13 اقپان كۇنى كۇنى التى ايلىق مەرزىمگە جابىلعان تۇرمەسىنەن بوستاندىققا شىقتى. بۇل تۋرالى قىتايدىڭ ورتالىق تەلەۆيدەنيەسىنىڭ دەرەگىنە سۇيەنگەن تاسس حابارلادى. 33 جاستاعى دجەيسي چاننىڭ سوتى 2015 جىلعى قاڭتاردا بەيجىڭدە وتكەن ەدى. ول ەسىرتكى اينالىممەن زاڭسىز اينالىسقانى ءۇشىن سوتتىڭ ۇكىمىمەن جارتى جىلعا تۇرمەگە قامالدى. بۇدان باسقا, 2 مىڭ يۋان (320 اقش دوللارى شامالاس) كولەمىندە ايىپپۇل تولەۋگە ءتيىس بولدى. بىراق دجەيسيدى قولعا ءتۇسىپ, قامالعان ۋاقىتى 2014 جىلعى تامىز ايى بولعاندىقتان, ول بيىلعى اقپاندا جازاسى مەرزىمىن تولىق وتەپ ءبىتىردى. كينواكتەردىڭ ۇلى سول جولى ءوزىنىڭ دوسى, تايۆاننىڭ تەلەۆيزيالىق اكتەرى كاي كومەن بىرگە ۇستالعان ەدى. مەديتسينالىق تەكسەرۋ ولاردىڭ ماريحۋانا شەگىپ العاندارىن انىقتادى. كەيىن قۇقىق قورعاۋ ورگاندارىنىڭ قىزمەتكەرلەرى كىشى چاننىڭ ۇيىنەن 100 گرامعا جۋىق ەسىرتكى تاۋىپ الدى. جەرگىلىكتى زاڭعا سايكەس ەكى دوسقا ءۇش جىلعا دەيىن باس بوستاندىعىنان ايرىلۋ جازاسى ءتونىپ تۇردى. دجەيسي چان لوس-اندجەلەستە تۋعان, بي مەن اكتەرلىك ونەردى, سونداي-اق كلاسسيكالىق گيتارامەن ويناۋدى وقىعان. 2004 جىلى ءوزىنىڭ ءبىرىنشى البومىن, التى جىلدان كەيىن ەكىنشىسىن شىعاردى. ول بىرنەشە كينوعا دا ءتۇسىپ ۇلگەردى, «كۋنگ-فۋ-پاندا» مۋلتفيلمىندەگى تىرنانىڭ داۋسىن سالدى.. مۇرات ايتقوجا. دەرەك, سۋرەت: تاسس.