فوتو: pixabay
تەرگەۋ بارىسىندا انىقتالعانداي, 2018 جىلى جاۋاپكەر مەن فەرمەر اراسىندا ەڭبەك شارتى جاسالعان. جاۋاپكەر 2024 جىلدىڭ قىركۇيەگىنەن 2025 جىلدىڭ قاڭتارىنا دەيىنگى ارالىقتا جاسىرىن تۇردە 184 قوي, 17 سيىر, 10 بۇزاۋدى بازاردا ساتىپ, جابىرلەنۋشىگە جالپى 14,5 ميلليون تەڭگەدەن استام شىعىن كەلتىرگەن. مالشى بارلىق اقشانى قۇمار ويىندارعا سالىپ ۇتىلعان.
سوت وتىرىسىندا سوتتالۋشى ءوز كىناسىن تولىق مويىنداپ, وكىنىش ءبىلدىرىپ, جابىرلەنۋشىگە كەلتىرىلگەن زالالدى تولىعىمەن وتەگەنىن ايتقان, ال ونىڭ ءسوزىن جابىرلەنۋشى راستاپ, سوتتان ونى باس بوستاندىعىنان ايىرماۋدى سۇرادى.
«سوت سوتتالۋشىنىڭ ءوز كىناسىن مويىنداعانىن, وكىنەتىنىن جانە كامەلەتكە تولماعان بالالارىنىڭ بار ەكەنىن ەسكەرىپ, ءۇش جىلعا باس بوستاندىعىن شەكتەۋ جازاسىن كەستى. سونىمەن قاتار وعان جىل سايىن 100 ساعاتتىق جۇمىستى ورىنداۋ مىندەتتەلدى», دەلىنگەن سوت قۇجاتىندا.
ۇكىم زاڭدى كۇشىنە ەندى.
