اۆستراليادا پوليتسيا مەن ستۋدەنتتەر قاقتىعىسىنان 40 ادام زارداپ شەكتى

استانا. 13 اقپان. اۆستراليالىق ستۋدەنتتەر ەل ۇكىمەتىنىڭ الەۋمەتتىك ساياساتىنا قارسى نارازىلىق اكتسياسىن ۇيىمداستىردى. بۇل تۋرالى ntv.ru حابارلادى. بۇگىن سيدنەي ورتالىعىندا ءبىلىم ءمينيسترى كريستوفەر پايننىڭ قاتىسۋىمەن كونفەرەنتسيا ءوتتى. نارازى ستۋدەنتتەر وسى جيىن ءوتىپ جاتقان عيمارات الدىنا جينالىپ, مينيسترگە ءتىل تيگىزگەن, ارتىنان عيماراتتىڭ ىشىنە باسىپ كىرمەك بولعان. پوليتسيا قىزمەتكەرلەرى ولارعا قارسى كوز جاساۋراتاتىن گاز قولدانعان. تاسس اگەنتتىگى حابارلاعانداي, الدىن الا بولجام بويىنشا, پوليتسيا مەن ستۋدەنتتەر اراسىنداعى قاقتىعىستان شامامەن 40 ادام زارداپ شەككەن. اۆستراليادا ستۋدەنتتەردىڭ نارازىلىق اكتسيالارى بىلتىرعى مامىر ايىنان بەرى جالعاسىپ كەلەدى. وعان ۇكىمەتتىڭ بيۋدجەت شىعىندارىن قىسقارتۋ شارالارى اياسىندا ۋنيۆەرسيتەتتەردە وقۋ اقىسىن كوتەرۋ جونىندەگى ۇسىنىستارى سەبەپ بولدى. ايدار ورىسباەۆ. دەرەك: ntv.ru. سۋرەت: trend.az.