ەلىمىزدە جاقىن ۋاقىتتا دەۆالۆاتسيا بولمايدى

استانا. 13 اقپان. ۇلتتىق بانكى مۇنايدىڭ ورتاشا باعاسى باررەلىنە 50 دوللاردان تومەندەگەن جاعدايدا ۇلتتىق ۆاليۋتانى بىرتىندەپ قۇنسىزداندىرۋعا بارۋى مۇمكىن. ۇلتتىق بانك توراعاسى قايرات كەلىمبەتوۆ وسىلاي دەدى بۇل تۋرالى nur.kz حابارلادى. ەسكە سالا كەتسەك, 11 اقپان كۇنى ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازارباەۆ ۇلتتىق بانكتىڭ الدىنا بىرقاتار مىندەتتەر قويدى. دالىرەگى, مەملەكەت باسشىسى ۇلتتىق ۆاليۋتا باعامىنىڭ كۇرت اۋىتقۋىنا جول بەرمەۋ قاجەتتىگىن ايتتى. «ەگەر مۇناي باعاسى 50 دوللاردان تومەن بولىپ, جاعىمسىز ستسەناري جۇزەگە اسقىن جاعدايدا, ايىرباستاۋ باعامىنىڭ بىرتىندەپ وزگەرۋ مۇمكىندىگىن بولجايمىز, بۇل جەردە ايىرباستاۋ باعامى ءدالىزىن كەڭەيتۋ دە بار», دەيدى ق.كەلىمبەتوۆ. ونىڭ ايتۋىنشا, دوللارعا قاتىستى تەڭگە باعامىن تومەندەتۋگە ماكروەكونوميكالىق جاعدايلار جوق. «قازىرگى ۋاقىتتا ءبىز ۆاليۋتالىق ءدالىزدىڭ اعىمداعى ساياساتىن ۇستانىپ وتىرمىز. ءبىزدىڭ ەسەبىمىزشە, قازىرگى ماكروەكونوميكالىق جاعدايلار وسى دالىزدە بولۋىمىزعا مۇمكىندىك بەرەدى. الداعى ءۇش-توعىز اي ارالىعىندا ءبىز ىشكى جانە سىرتقى ۆاليۋتا نارىقتارىنداعى جاعداي قالاي وزگەرەتىنىن ءجىتى باقىلاپ وتىرامىز», دەپ ءتۇيدى ول. ۇلتتىق بانك توراعاسىنىڭ ايتۋىنشا, كەلەسى اپتادا قازاقستان ەكونوميكاسىن دوللارسىزداندىرۋدىڭ بiرلەسكەن جوسپارى بەكىتىلدەدى. «مەملەكەت باسشىسى الدىمىزعا قويىپ وتىرعان مiندەتتەردiڭ بiرi – ەكونوميكامىزدى دوللارسىزداندىرۋ. بiز بۇگiنگi كۇنi بۇعان قاتىستى جۇمىستى اياقتاپ قالدىق. كەلەسi اپتانىڭ باسىندا ۇكiمەتپەن ەكونوميكانى دوللارسىزداندىرۋدىڭ بiرلەسكەن جوسپارىن بەكiتۋدi كوزدەپ وتىرمىز», دەدi توراعا. ۇلتتىق بانك باسشىسىنىڭ ايتۋىنشا, بۇل ورتا مەرزiمدi سيپاتتاعى شارالار. جولدىباي بازار. دەرەك, سۋرەت: nur.kz.