«بۇگىنگى تاڭدا بيزنەستى مەملەكەتتىك قولداۋدىڭ تالاپ ەتىلەتىن شارالارىنىڭ ءبىرى - كاسىپكەرلىكتى قولداۋدىڭ كەشەندى باعدارلاماسى. جوبا اياسىندا ىسكە اسىرىلاتىن «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارىنىڭ قۇرالدارى بولىپ قالا بەرەدى. «دامۋ» قورى – باعدارلامانىڭ وپەراتورى. بىلتىرعى جىلدىڭ قورىتىندىسى بويىنشا, كرەديتتەردى سۋبسيديالاۋ ارقىلى جەڭىلدەتىلگەن قارجىلاندىرۋ شاراسى نەگىزىندە شامامەن 1 ترلن تەڭگە كرەديت سوماسىنا 17 مىڭنان استام بيزنەس جوباسى قامتىلدى. 310 ملرد تەڭگە سوماسىنا 8 مىڭ جوبا بويىنشا كەپىلدىك بەرىلدى. بيىل وسى ماقساتتى جۇزەگە اسىرۋعا 275,2 ملرد تەڭگە باعىتتاۋ جوسپارلانعان», دەدى دارىن ءابدۋالى.
باعىتتالعان قارجى الماتى, استانا, شىمكەنت قالالارىنا, سونداي-اق الماتى, تۇركىستان مەن اقتوبە وبلىستارىندا وڭدەۋ ونەركاسىبى, كولىك جانە قويمالاۋ, ءبىلىم بەرۋ سالالارى بويىنشا ىسكە اسىرىلماق.
