قوستاناي وبلىسىندا بولعان ورتتەن ءبىر ادام قازا تاپتى

قوستاناي. 13 اقپان. قارابالىق اۋدانىنىڭ ورتالىعىنداعى ءورت شىققان ۇيدەن ەكى ادام زارداپ شەگىپ, بىرەۋى قازا تاپتى. بۇل تۋرالى egemen.kz ءتىلشىسى حابارلادى. ورتەنگەن ۇيدە بولعان ءبىر ەر كىسى مەن ءبىر ايەل قاتتى زارداپ شەككەن. 1958 جىلى تۋعان ايەل اۋداندىق اۋرۋحانانىڭ جان ساقتاۋ بولىمىنە اپارعاندا قايتىس بولعان. ال 1953 جىلى تۋعان ەر كىسى ۋلى گازعا ۋلانىپ قالعان. ول دا اۋداندىق اۋرۋحانانىڭ جان ساقتاۋ بولىمىنە جەتكىزىلدى. ءورت اسا ۇلكەن كولەمدى الماعان, 4 شارشى مەترگە جەتكەن وتتى ءورت سوندىرۋشىلەر 40 مينۋتتىڭ ىشىندە ءسوندىرىپ الدى. قىسقى ايازدىڭ بەتى قايتىپ, كۇن جىلىنا باستاعاندا وبلىس وڭىرىندە پەشتەن شىققان ورتتەن, كومىردەن شىعاتىن ۋلى گازعا ۋلانىپ قالۋ وقيعالارى ءجيى تىركەلەدى. سوڭعى اپتانىڭ وزىندە وسىمەن ەكىنشى رەت اۋىلدى جەردە ءۇي ورتەندى. ماماندار وسىنداي قايعىلى وقيعانىڭ كوپشىلىگىنە وتتى دۇرىس جاقپايتىن, پەشتىڭ قاۋىپسىزدىگىن ويلامايتىن, دۇرىس پايدالانبايتىن تۇرعىنداردىڭ وزدەرى كىنالى ەكەنىن ايتىپ وتىر. ءنازيرا جارىمبەتوۆا. دەرەك, سۋرەت: egemen.kz.