فورۋم اياسىندا عالىمدار, تاريحشىلار مەن ارحەولوگتار مۋزەي ەكسپوناتتارىن ساقتاۋ جانە قالپىنا كەلتىرۋ ماسەلەلەرىنە ارنالعان پانەلدىك سەسسياعا قاتىستى. ءىس-شارادا قازاقستان, ازەربايجان جانە رەسەيدەن كەلگەن ساراپشىلار ءسوز سويلەدى.
ق.قۋانىشباەۆ اتىنداعى قازاق ۇلتتىق مۋزىكالىق-دراما تەاترىندا تەاتر ونەرى مەن كونتسەرتتىك قىزمەتكە ارنالعان سەمينارلار ءوتتى. ءىس-شارا اياسىندا مادەنيەت نىساندارى تەحنولوگيالارى جانە ينجەنەرلىك شەشىمدەر اسسوتسياتسياسىنىڭ ۇيىمداستىرۋىمەن تەاتر جانە مادەني-كورىنىس الاڭدارى ماماندارىنا ارنالعان بىلىكتىلىكتى ارتتىرۋ كۋرسى ۇيىمداستىرىلدى. وعان الەمدىك دەڭگەيدەگى جەتەكشى سالا ماماندارى قاتىستى. قاتىسۋشىلار كورەرمەن اسەرىن ارتتىرۋ, ساحنانى جارىقتاندىرۋ مەن زاماناۋي ۆيزۋال جانە جوبالىق شەشىمدەر تاقىرىبىن تالقىلادى.
سونىمەن قاتار, كىتاپحانا-اقپارات سالاسىنا جاساندى ينتەللەكت تەحنولوگيالارىن ەنگىزۋ, قۇجاتتاردى ەلەكتروندى فورماتقا كوشىرۋ جانە ارحيۆ قورلارىن اۆتوماتتاندىرۋ بويىنشا سەمينارلار ءوتتى.
سونىمەن قاتار بۇگىن رەسپۋبليكالىق «رۋحاني قازىنا – 2025» فەستيۆالى بايقاۋ كوميسسياسىنىڭ كەزەكتى وتىرىسى ءوتتى. بايقاۋعا قاتىسۋعا 80-نەن استام مامان ءوتىنىم بەردى. جەڭىمپازدار 9 نوميناتسيا بويىنشا انىقتالادى.
