وقيعا ورنىندا اتموسفەرالىق اۋانىڭ ساپاسىنا اسپاپتىق ولشەمدەر قويعان. ەكولوگيا دەپارتامەنتىنىڭ ماماندارى تۇرعىندارعا تونگەن قاۋىپ جوق دەسەدى. الايدا, دەنساۋلىق ساقتاۋ باسقارماسى حالىققا ەسكەرتۋ جاسادى.
«كوزدەرىڭىز اشىپ, تاماق جىبىرلاپ نەمەسە تىنىس الۋ قيىنداعان بەلگىلەر بولسا دەرەۋ مەديتسينالىق كومەككە جۇگىنىڭىزدەر. قالاداعى مەديتسينالىق مەكەمەلەر ۇزدىكسىز جۇمىس ىستەپ تۇر. ءاربىر تۇرعىنعا قاجەتتى كومەك كورسەتۋگە دايىن» دەپ مالىمدەدى دەنساۋلىق ساقتاۋ باسقارماسىنىڭ ماماندارى.
قازىر جاعداي جەرگىلىكتى بيلىكتىڭ باقىلاۋىندا, ماماندار اۋا ساپاسى مەن حالىقتىڭ دەنساۋلىعىن قاداعالاپ وتىر.
سونداي-اق, سوگرا شاعىن اۋدانىنداعى جاعدايعا بايلانىستى مەكتەپ وقۋشىلارى قاشىقتىقتان وقۋعا اۋىستىرىلدى.
كومبينات بەرگەن مالىمەتكە سۇيەنسەك, سول كۇنى №3 حلورلاۋ قوندىرعىسىندا ءبىر بولشەك قۇلاپ, ءتۇتىن قۇبىرى بىتەلىپ قالعان. كاسىپورىن زەرتحاناسى سانيتارلىق-قورعاۋ ايماعى شەگىندەگى اۋانى تەكسەرىپ, اۋا قۇرامىنداعى حلور شەكتى دەڭگەيدەن اسپاعانىن مالىمدەدى.
جاعداي جەرگىلىكتى بيلىك پەن «وسكەمەن تىنىسى» ەكولوگيالىق قورعاۋ بيۋروسىنىڭ باقىلاۋىندا.
«كازگيدرومەت» رمك قالادا II دارەجەلى قولايسىز مەتەو جاعداي تىركەلگەنىن حابارلادى.
وسكەمەن
