جامبىل وبلىسىندا باسقارما باسشىسى قارجى جىمقىرعان

تاراز. 13 اقپان. جامبىل وبلىستىق مەملەكەتتىك كىرىس دەپارتامەنتى ۇيىمداستىرۋ-قارجى باسقارماسى باسشىسىنىڭ سەنiپ تاپسىرىلعان بوتەن مۇلiكتi يەلەنiپ الۋ جانە ىسىراپ ەتۋىنە قاتىستى سوتقا دەيىنگى تەرگەۋ قىلمىستىق ءىسى تىركەلدى. بۇل تۋرالى egemen.kz ءتىلشىسى حابارلادى. تەرگەۋ بارىسىندا 2014 جىلدىڭ مامىر مەن تامىز ايى ارالىعىندا, «جامبىل وبلىسى بويىنشا سالىق دەپارتامەنتى» مم-ءنىڭ قارجى – شارۋاشىلىق جانە بۋحگالتەرلىك ەسەپ ءبولىمىنىڭ باستىعى بولا تۇرا ج. دەگەن ازاماتشا ءوزىنىڭ قىزمەت بابىن پايدالانىپ, اتالعان مەكەمەدە قىزمەت اتقارمايتىن ءوزىنىڭ تۋىسى چ-نىڭ كارتشوتىنا نەگىزسىز ءىس-ساپار شىعىسى رەتىندە قاراجاتتى اۋدارۋ ارقىلى, بارلىعى 3 ملن. تەڭگەدەن استام بيۋدجەت قاراجاتىن جىمقىرعان. ازاماتشا ج. سوتقا دەيىنگى ءوندىرىستىڭ قىلمىستىق ءىسى بويىنشا قىلمىستىق كودەكستىڭ 176-بابىنىڭ 3-بولىمىندە قاراستىرىلعان قىلمىستىق ءىس بويىنشا كۇدىكتى دەپ تانىلدى. قازىرگى تاڭدا قىلمىستىق ءىس-جۇرگىزۋ كودەكسىنىڭ 612-بابىنا سايكەس كەلىسىلگەن پروتسەسسۋالدىق كەلىسىم شەڭبەرىندە (كىناسىن مويىنداۋ تۋرالى كەلىسىم تۇرىندە) سوتقا دەيىنگى تەرگەۋ جۇرگىزۋ قاراستىرىلعان. اتالعان كەلىسىمنىڭ ءمانى ول, قىلمىستىق قۇقىقبۇزۋشىلىققا بارعان تۇلعا جاسالعان قىلمىستىڭ دالەلدەرى, وعان كەلتىرىلگەن زيانىنىڭ كولەمى جانە مىنەزدەمەسى بويىنشا داۋلاسپايدى, كەرىسىنشە كىناسىن تولىق مويىندايدى. كۇدىكتى ج. قىلمىستىق ءىس-جۇرگىزۋ كودەكسىندە كورسەتىلگەن نورمالاردى قولدانا وتىرىپ, وعان تاعىلعان ايىپتى تولىق مويىنداپ, جامبىل وبلىسىنىڭ سىبايلاس جەمقورلىققا قارسى قىزمەتىنە اتالعان كەلىسىمدى جاساۋ تۋرالى وتىنىشپەن قايىرىلدى, ەگەر اتالعان كەلىسىمگە قول قويعان جاعدايدا وعان جوعارى مەرزىمدىك جازانىڭ جارتىسىنان كەم ەمەس نەمەسە جوعارى قاتاڭ تۇرىندەگى جازا قولدانادى. قازىرگى تاڭدا كۇدىكتىنىڭ مەملەكەتكە كەلتىرگەن 3,5 ملن. تەڭگە ماتەريالدىق زيانى تولىعىمەن ءوندىرىلدى. جامبىل وبلىسىنىڭ پروكۋراتۋراسى ج-نىڭ كىناسىن مويىنداۋ تۋرالى مامىلە تۇرىندەگى پروتسەسسۋالدى كەلىسىم جاساۋ ءوتىنىشى قولدانىپ, سوتقا جولداندى. ورالحان ءداۋىت. دەرەك, سۋرەت: egemen.kz.