«تۋريستىك قامقور» قورىنىڭ مالىمەتىنشە, بۇل دەرەكتەر تەك ۇيىمداستىرىلعان تۋريستەرگە, ياعني تۋروپەراتورلار ارقىلى شەتەلگە شىققان ازاماتتارعا عانا قاتىستى. بۇل جۇيە قازاقستان ازاماتتارىنىڭ شەتەلگە شىعۋىن باقىلاپ, كەپىلدەندىرەدى.
«بۇگىنگى كۇنگە دەيىن 3 213 قازاقستان ازاماتى شەتەلگە دەمالىسقا جولداما ساتىپ الدى. الايدا بۇل ناقتى كورسەتكىش ەمەس, سەبەبى تۋرلار ءالى دە ساتىلىپ جاتىر, دەرەكتەر جاڭارتىلىپ وتىرادى», دەپ حابارلادى قر مادەنيەت جانە اقپارات مينيسترلىگىنىڭ تۋريزم كوميتەتى.
ەڭ تانىمال شەتەلدىك باعىتتار (جولداما سانى بويىنشا):
-
ۆەتنام – 92 632
-
ءباا (دۋباي جانە باسقا قالالار) – 81 349
-
مىسىر (ەگيپەت) – 78 302
مينيسترلىك مالىمەتىنشە, 134 مىڭنان استام جولداما 2024 جىلدىڭ ماۋسىم ايىندا ساتىلعان, بۇل كورسەتكىش وتكەن جىلدىڭ وسى كەزەڭىمەن شامالاس. ەلەۋلى وزگەرىس بايقالمايدى. الايدا قازىرگى ۋاقىتتا بۇل مالىمەتتەر «تۋريستىك قامقور» جۇيەسىندە تولىق تىركەلمەگەن. بارلىق ۇيىمداستىرىلعان شەتەلدىك تۋرلار تەك ليتسەنزيالانعان تۋروپەراتورلار ارقىلى جۇزەگە اسىرىلادى. سونىمەن قاتار, زاڭناما بويىنشا تۋرپاكەت قۇنىنىڭ ورتاشا ەسەبى جۇرگىزىلمەيدى.
2024 جىلى شەتەلگە شىققان 1 096 246 ادامنىڭ 98%-ى جاعاجاي ءتۋريزمىن تاڭداعان. ال ەكسكۋرسيالىق تۋرلاردى تاڭداعان تۋريستەردىڭ ۇلەسى نەبارى 0,5%-دى قۇرادى.
