جامبىل وبلىسىنىڭ تۇرعىنى ماريحۋانامەن ۇستالدى

تاراز. 13 اقپان. وسى اپتادا جامبىل وبلىستىق ىشكى ىستەر دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى جانە شۋ اۋداندىق «دەلتا-دولينا» ايماقارالىق ەسىرتكى بيزنەسىنە قارسى كۇرەس ءبولىمىنىڭ قىزمەتكەرلەرى جەدەل-الدىن الۋ ءىس-شارالارىن جۇرگىزدى. بۇل تۋرالى جامبىل وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. شارا بارىسىندا شۋ اۋدانى اۋماعىنىڭ تاس جولىندا ج.ەسىمدى ازاماتتىڭ باسقارۋىنداعى «مازدا-626» ماركالى اۆتوكولىگىن تەكسەرۋ بارىسىندا 101 كيلو 880 گرامم كەپتىرىلگەن ماريحۋانا تاركىلەندى. تەكسەرۋ بارىسىندا 1976 جىلى تۋعان ج.ەسىمدى كۇدىكتىنىڭ بۇرىن سوتتى بولماعانى جانە وسى اۋداننىڭ جەرگىلىكتى تۇرعىنى ەكەندىگى انىقتالدى. ول شۋ اۋداندىق ىشكى ىستەر ءبولىمىنىڭ ۋاقىتشا ۇستاۋ يزولياتورىنا قاماققا الىندى. قازىرگى تاڭدا قىلمىستىق كودەكستىڭ 297-بابى 3-ءبولىمى 3-تارماعى بويىنشا قىلمىستىق ءىس قوزعالىپ, تەرگەۋ جۇمىستارى جۇرگىزىلۋدە. ورالحان ءداۋىت. دەرەك, سۋرەت: egemen.kz.