فوتو: تۇركىستان وبلىسىنىڭ ءبىلىم باسقارماسى
جانىبەكتىڭ ايتۋىنشا, مۇنداي جەتىستىككە قول جەتكىزۋىنىڭ باستى سەبەبى – تۇراقتى دايىندىق پەن تاباندىلىق. ول تەستىلەۋگە ماقساتتى تۇردە 10-سىنىپتان باستاپ دايىندالىپ, بەيىندىك ءپان رەتىندە ينفورماتيكانى تاڭداعان. كەلەشەكتە دە وسى سالانى ماماندىق رەتىندە تاڭداپ, قازاقستانداعى IT باعىتىنداعى جوعارى وقۋ ورىندارىنىڭ بىرىنە تۇسپەك.
«جانىبەك ءابىلحان ارمانىنا سەنىمدى قادام باسىپ كەلە جاتقان, باستاماشىل ءارى جاۋاپتى وقۋشى. ول ۋاقىتتى ءتيىمدى پايدالانۋدى بىلەدى. ونىڭ جەتىستىگى وزگە وقۋشىلار ءۇشىن كەرەمەت ۇلگى بولا الادى. ءبىز جانىبەكتى شىن جۇرەكتەن قۇتتىقتاپ, ءبىلىم جولىنداعى جاڭا تابىستارعا جەتۋىن تىلەيمىز», دەدى تۇركىستان وبلىسىنىڭ ءبىلىم باسقارماسى وكىلدەرى.
جانىبەك كوپ بالالى وتباسىنان شىققان, بەس بالانىڭ ىشىندە ەكىنشىسى.
«جانىبەك 1-سىنىپتان باستاپ ءبىزدىڭ مەكتەپ-گيمنازيادا وقىپ, بىلىمگە ەرەكشە ىنتا تانىتىپ, ۇنەمى ۇزدىك ناتيجەلەر كورسەتىپ وتىردى. ول كوپ بالالى وتباسىندا ءوسىپ, ۇبت-دان وسىنداي كەرەمەت ناتيجەگە تەك ءوز كۇش-جىگەرىنىڭ ارقاسىندا جەتتى. بۇل – ماقساتقا ۇمتىلۋدىڭ, ەڭبەكقورلىقتىڭ جانە جۇيەلى دايىندىقتىڭ جارقىن ۇلگىسى», دەيدى سىنىپ جەتەكشىسى گۇلزيرا بورتاي.
ەسكە سالا كەتەيىك, 2025 جىلعى نەگىزگى ۇلتتىق بىرىڭعاي تەستىلەۋ 16 مامىردا باستالىپ, 7 شىلدەگە دەيىن جالعاسادى.
