فوتو: ult.kz
سونداي-اق 14 617 شاعىن گيدروتەحنيكالىق نىسان اۋىستىرىلىپ, جاڭادان سالىنعان. 327,86 شاقىرىم كوللەكتور مەن 151 باقىلاۋ ۇڭعىماسى قالپىنا كەلتىرىلگەن.
«بۇل جۇمىستار دۇنيەجۇزىلىك بانكپەن بىرلەسىپ جۇزەگە اسىرىلىپ جاتقان يرريگاتسيالىق جانە درەناجدىق جۇيەلەردى جەتىلدىرۋ جوباسىنىڭ ەكىنشى كەزەڭى اياسىندا اتقارىلدى. وسىعان ۇقساس جوبالار الماتى, جامبىل جانە تۇركىستان وبلىستارىندا دا جۇرگىزىلىپ جاتىر. وسىنىڭ ارقاسىندا 105 مىڭ گەكتاردان استام جەردىڭ سۋارمالى جاعدايى جاقسارادى. بۇگىنگى تاڭدا بۇل جوبالاردىڭ 86%-ى اياقتالدى. قازىردىڭ وزىندە 79,15 مىڭ گەكتار ەگىستىككە سۋ جەتكىزۋ جاقسارىپ, جىلىنا 201,8 ملن تەكشە مەتر سۋ ۇنەمدەۋگە جاعداي جاسالدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
وسى جۇمىستاردىڭ ناتيجەسىندە جالپى كولەمى 15,1 مىڭ گەكتار اۋىل شارۋاشىلىعى القاپتارىن سۋمەن جابدىقتاۋ دەڭگەيى مەن مەليوراتيۆتىك جاعدايى جاقسارعان. سۋارمالى جەرلەر تولىق يگەرىلگەن. جوبا سۋ شىعىنىن 30 پايىزعا دەيىن ازايتۋ ارقىلى جىلىنا شامامەن 95 ملن تەكشە مەتر سۋدى ۇنەمدەۋگە مۇمكىندىك بەرەدى.
جەرگىلىكتى شارۋا قوجالىقتارى اتقارىلعان جۇمىس ناتيجەسىنە وڭ باعا بەرىپ وتىر.
«كانالداردى تازارتۋ, شليۋزدەر ورناتۋ جانە باسقا دا جۇمىستاردىڭ ارقاسىندا سۋ جەتكىزۋ 35-40 پايىزعا جاقساردى. بۇل جۇيە ديقاندارعا سۋ تاپشى بولسادا جۇمىس ىستەۋگە كومەكتەسەدى. جالپى ناتيجەلەر وتە جاقسى», دەدى جەرگىلىكتى شارۋا قوجالىعىنىڭ اگرونومى سۇلتانبەك ۇسەنوۆ.
