استانا. 13 قاڭتار. «نۇر وتان» پارتياسى قازالى اۋداندىق فيليالىنىڭ توراعاسى باحىت جاحانوۆتىڭ جەتەكشىلىگىمەن پارتيانىڭ كەزەكتەن تىس XVII كونفەرەنتسياسى ءوتتى. بۇل تۋرالى egemen.kz ءتىلشىسى حابارلادى.
«نۇر وتان» پارتياسى قازالى اۋداندىق فيليالى جانىنداعى «جاس وتان» جاستار قاناتىنىڭ اتقارۋشى حاتشىسى 2014 جىلى اتقارعان جۇمىستارى مەن الداعى مىندەتتەرى تۋرالى باياندادى. كەز كەلگەن قوعامنىڭ كوشباسشىسى جاستار ەكەندىگى اقيقات. بۇل رەتتە جاستار ساياساتىنا مەملەكەت تاراپىنان بىلدىرەتىن قولداۋلار دا قوماقتى. وتكەن جىلى جاستار ساياساتىنا 5 ملن. تەڭگە بولىنسە, بيىلعى جىلى بۇل قارجى 10 ملن.-عا جەتتى. سونداي-اق, «جاستار پراكتيكاسى» «جاسىل ەل» باعدارلامالارى دا جاستاردى قولداۋعا سەپتىگىن تيگىزۋدە. وتكەن جىلى جاستاردىڭ تۆورچەستۆولىق قابىلەتىن دامىتۋ, ەڭبەككە تارتۋ ىستەرىنە ەرەكشە كوڭىل بولگەن «جاس وتان» جق-ى بيىلعى جىلى دا جاستاردى قولداۋدى جالعاستىرا بەرمەك.
كونفەرەنتسيا بارىسىندا بەلسەندى جاستار ءسوز الىپ, ءوز پىكىرلەرىمەن ءبولىستى.
باياندى باستامالار مەن ىرگەلى ىستەردىڭ ۇيىتقىسى بولىپ جۇرگەن «نۇر وتان» پارتياسى قازالى اۋداندىق فيليالىنىڭ قوعامدىق قابىلداۋ بولىمىنە 2014-2015 جىلى قاڭتار ايلارىنا 313 ءوتىنىش كەلىپ تۇسكەن. وڭ شەشىمىن تاپقان وتىنىشتەر سانى – 158-ءدى قۇراپ وتىر. ەسەپتى كەزەڭدە بارلىعى 118 ساياسي-قوعامدىق جۇمىستار, الەۋمەتتىك اكتسيالار, ىشكىپارتيالىق جۇمىستار, جاستار اكتسياسى, مادەني-كوپشىلىك ءىس-شارالار وتكىزدى.
كونفەرەنتسيا سوڭىندا «نۇر وتان» پارتياسى قىزىلوردا وبلىستىق فيليالىنىڭ كەزەكتەن تىس XVII كونفەرەنتسياسىنا دەلەگاتتار سايلاۋ وتكىزىلدى.
جولدىباي بازار.
دەرەك, سۋرەت: egemen.kz.
