فورۋمنىڭ قۇرمەتتى قوناعىنىڭ ءبىرى – دوحا فورۋمىنىڭ باس مەنەدجەرى ماحا ءال-كۋۆاري. ول استانا فورۋمىنا قاتىسۋىنىڭ ماڭىزدىلىعىن ەرەكشە اتاپ ءوتتى.
«مەنىڭ ەسىمىم ماحا ءال-كۋۆاري جانە مەن دوحا فورۋمىنىڭ باس مەنەدجەرىمىن. 2025 جىلعى استانا حالىقارالىق فورۋمىنا قاتىسۋ مەن ءۇشىن مارتەبە. دوحا فورۋمى كاتار دامۋ قورىمەن بىرگە سەسسيا وتكىزەدى, وندا ءبىز جاھاندىق تۇراقتىلىقتى نىعايتۋدىڭ جاڭا جولدارىن تالقىلايمىز. نەگە قازىر؟ ويتكەنى گەوساياسي ءبولىنۋ, پاندەميادان كەيىنگى قيىندىقتار مەن جەتكىزۋ تىزبەگىنىڭ بۇزىلۋى ءاربىر ەكونوميكانى, اسىرەسە دامۋشى جانە از دامىعان ەلدەرگە اسەر ەتتى.ء بىزدىڭ پانەلدىك سەسسيا ءۇش باسىمدىقتى تالقىلايدى. بىرىنشىدەن, ەشبىر ۇلتتى ارتتا قالدىرمايتىن ينكليۋزيۆتى دامۋ. ەكىنشىدەن, تۇراقتى دامۋ ءۇشىن كاپيتالدى اشاتىن يننوۆاتسيالىق قارجىلاندىرۋ جانە ينۆەستيتسيالىق مودەلدەر. ۇشىنشىدەن, استانادان دوحاعا دەيىنگى ءتيىمدى سەرىكتەستىك, ويتكەنى ىنتىماقتاستىق – تۇراقتى پروگرەستىڭ كىلتى بولىپ تابىلادى. استانا سياقتى, دوحا فورۋمى دا الەمدەگى ەڭ وزەكتى ماسەلەلەردى شەشۋ ءۇشىن كوشباسشىلاردى, ويشىلداردى بىرىكتىرەدى», دەيدى ماحا ءال-كۋۆاري.
سونىمەن قاتار, ءال-كۋۆاري قوناقتاردى 2025 جىلدىڭ 6–7 جەلتوقسانىندا وتەتىن دوحا فورۋمىنا قاتىسۋعا شاقىردى.
