Tanba تاۋارلاردى تاڭبالاۋ مەن قاداعالاۋدىڭ بىرىڭعاي وپەراتورى نارىقتاعى ءونىمنىڭ زاڭدىلىعىن تولىق قاداعالاۋدى قامتاماسىز ەتەدى. ياعني تاڭبالانباعان تاۋارلاردى ساتۋ ىقتيمالدىعىن, نارىقتا ەسەپكە الىنباعان نەمەسە كونترافاكتىلىك پرەپاراتتاردىڭ ءتۇسۋ قاۋپىن جويادى. بىرىڭعاي وپەراتوردىڭ دەرەگىنشە, بۇگىنگى تاڭدا 320 ميلليوننان استام دارىلىك زاتتاردىڭ قاپتاماسى تاڭبالانعان. مىندەتتى تاڭبالاۋ مەن قاداعالاۋدى ەنگىزۋ ناتيجەلەرىمەن بولىسكەن Atamiras.S ءىرى دارىلىك ديستريبيۋتورى ديرەكتورىنىڭ ورىنباسارى حاليما ايتىلەۋوۆا:
«بىزگە تاڭبالانباعان تاۋار كەلىپ تۇسكەن جاعدايلار بولدى. ەگەر تاڭبالاۋ كودى بولماسا نەمەسە وقىلماسا, وندا پرەپارات اۆتوماتتى تۇردە كارانتينگە جىبەرىلەدى جانە ماسەلە شەشىلگەنگە دەيىن ساتۋعا جول بەرىلمەيدى», دەپ اتاپ ءوتتى.
تاڭبالاۋدى ەنگىزۋ ساندىق ەسەپكە الۋدىڭ دالدىگىن ارتتىرۋعا مۇمكىندىك بەردى. مىسالى, قازىر ءجۇز قاپتامانىڭ ىشىندە ءبىر داناسى جەتىسپەسە دە جۇيەدە بىردەن تىركەلەدى. بۇل ءدارىحانالار مەن مەديتسينالىق ۇيىمداردىڭ تاۋەكەلدەرى مەن شاعىمدارىنىڭ سانىن ايتارلىقتاي ازايتادى. ديستريبيۋتوردىڭ ناقتىلاۋىنشا, ەگەر بۇرىن ءونىمدى قۇراستىرۋ كەزىندە سەرياسىن شاتاستىرۋ, قاپتامانى دۇرىس ساناماۋ سياقتى ادام قاتەلىكتەرى تۋىنداۋى مۇمكىن بولسا, ەندى جۇيە ءار بىرلىك سايكەس كەلگەنشە شوت-فاكتۋرانى جۇرگىزبەيدى. قاتەنىڭ قاي جەردە ورىن العانىن بىردەن كورۋگە, تەز تۇزەتۋگە بولادى.
ساندىق تاڭبالاۋ سۇر اينالىم مەن ساپاسىز پرەپاراتتاردى ىعىستىرا وتىرىپ, نارىقتى وزگەرتە باستادى. سالا قاتىسۋشىلارىنىڭ پىكىرىنشە, بۇل نارىقتىڭ اشىقتىعىن, تۇتىنۋشىلاردىڭ سەنىمىن ارتتىردى.
ء«وزىم دە ءدارىحانادان ءدارى-دارمەك ساتىپ العاندا قاراپايىم تۇتىنۋشى رەتىندە قولدانبا ارقىلى تاڭبالاۋدى تەكسەرەمىن. بۇل پرەپاراتتىڭ زاڭدى ەكەندىگىنە جانە باقىلاۋدىڭ بارلىق كەزەڭدەرىنەن وتكەنىنە سەنىمدىلىك بەرەدى», دەيدى ح.ايتىلەۋوۆا.
دارىلىك زاتتاردان باسقا تەمەكى بۇيىمدارى مەن اياق كيىم مىندەتتى تاڭبالاۋعا جاتادى. زەرگەرلىك بۇيىمداردى, توقىما ونەركاسىبى تاۋارلارىن, موتور مايلارىن جانە سىرا قايناتۋ ونىمدەرىن تاڭبالاۋ بويىنشا پيلوتتىق جوبالار اياقتالدى. جاقىندا بيولوگيالىق بەلسەندى قوسپالاردى تاڭبالاۋ سىناقتان وتە باستادى. ىسكە قوسۋ ساتىسىندا تۇرمىستىق حيميا جانە مەديتسينالىق بۇيىمدار بويىنشا جوبالار تۇر.
