ەلشىمەن ەكىجاقتى اڭگىمە 

پارلامەنت  ءماجىلىسىنىڭ توراعاسى قابيبوللا جاقىپوۆ تۇرىكمەنستاننىڭ قازاقستانداعى توتەنشە جانە وكىلەتتى ەلشىسى ماگتىمگۋلى اكمىرادوۆتى قابىلدادى, دەپ حابارلادى وسى پالاتانىڭ ءباسپاسوز قىزمەتى. تاراپتار ەكىجاقتى ىنتى­ماق­تاستىقتىڭ اۋقىمدى ماسەلەلەرىن تالقىلاي كەلىپ, وتىن-ەنەرگەتيكا سالاسى, اۋىل شارۋاشىلىعى, كولىك جانە كوممۋنيكاتسيا باعىتتارىنا ايرىقشا نازار اۋداردى. كەزدەسۋ يەلەرى قازاقستان-تۇرىك­مەنستان قارىم-قاتىناسىنىڭ دەڭ­گەيىنە جوعارى باعا بەرىپ, ونىڭ تۇراقتى دامۋىنا ەكى ەل باسشى­لارىنىڭ سەرپىن بەرىپ كەلە جات­قانىن العا تارتتى. ءماجىلىس سپيكەرى الەمدىك ەكونو­ميكادا بولىپ جاتقان عالامدىق ۇدە­رىستەردى ايتا كەلىپ, قازاقستان پرە­زيدەنتىنىڭ داعدارىستىڭ جا­عىم­سىز ىقپالىنا قارسى باعىت­تال­عان ماڭىزدى باستامالارىن اتاپ ءوتتى. ءوز كەزەگىندە مەيمان نۇرسۇلتان نازارباەۆتىڭ كورەگەن ساياساتىن ءسوز ەتىپ, قازاقستاننىڭ دامۋ قار­قىنىنا نازار اۋداردى. پارلامەنتارالىق بايلانىس­تاردى نىعايتۋعا دا ايرىقشا كوڭىل ءبولىندى.  قابيبوللا جاقىپوۆ ءوزىنىڭ تۇرىكمەندىك ارىپتەسىنە اعىمداعى جىلى كۇزدە استانادا وتەتىن تۇركى تىلدەس مەملەكەتتەر پارلامەنتتىك اسسامبلەياسىنىڭ التىنشى پلەنارلىق وتىرىسىنا قاتىسۋ ءۇشىن قازاقستانعا كەلۋگە شاقىرۋ جولدادى. ماگتىمگۋلى اكمىرادوۆ ءماجىلىس دەپۋتاتتارىن بيىل مە­رەي­تويلىق جىل اياسىندا اشعابادتا وتەتىن تۇرىكمەنستاننىڭ بەيتاراپ ەل اتانۋىنىڭ 20 جىل تولۋىنا ارنالعان شارالارعا قاتىسۋعا شاقىردى. وسى رەتتە تاراپتار ەكى ەل ءۇشىن دە ماڭىزدى 2015 جىل قوس مەملەكەت حالىقتارىنىڭ قارىم-قاتىناسىن نىعايتۋعا جاڭا مۇمكىندىكتەر اشاتىنىنا سەنىم ءبىلدىردى.