قر دەنساۋلىق ساقتاۋ مينيسترلىگىنىڭ قولداۋىمەن كارديولوگيا جانە ىشكى اۋرۋلار عىلىميزەرتتەۋ ينستيتۋتى جانە قازاق عىلىمي قوعامى ۇيىمداستىرعان فورۋمعا ەلىمىزدىڭ بارلىق وڭىرلەرى مەن رەسەي, بەلگيا, يزرايل ەلدەرىنەن 300-دەن استام گاستروەنتەرولوگ, كولوپروكتولوگ, تەراپەۆت, مورفولوگ, ينفەكتسيونيست, ەندوسكوپيست ماماندارى مەن فۋنكتسيونالدىق دياگنوستيكا دارىگەرلەرى جينالدى.
اتالعان فورۋم جىل سايىن 19 مامىردا – دۇنيەجۇزىلىك ىشەكتىڭ قابىنۋى اۋرۋلارى كۇنى قارساڭىندا ۇيىمداستىرىلىپ, كرون اۋرۋى مەن ويىق جارالى كوليت تۋرالى حاباردارلىقتى ارتتىرۋدى كوزدەيدى.
مامانداردىڭ مالىمەتىنە سۇيەنسەك, سوڭعى جىلدارى قازاقستاندا ىشەك قابىنۋى اۋرۋلارىنا شالدىققان ناۋقاستار سانى كوبەيە باستاعان. 2018 جىلدان 2023 جىلعا دەيىن كرون اۋرۋى 555-تەن 1631-گە دەيىن, ال ويىق جارالى كوليت اۋرۋى 2218-دەن 7305-كە دەيىن وسكەن. 2024 جىلدىڭ ستاتيستيكاسى ءار 100 مىڭ ادامعا شاققاندا 5-10 ناۋقاستا ىقا كەسەلى تابىلاتىنىن جانە بۇل سان ارتۋى مۇمكىن ايعاقتايدى. بۇل ءبىر جاعىنان دياگنوستيكانىڭ دۇرىستالۋى جانە وعان قوسا شىن مانىندە بۇل دەرتتىڭ بەلەڭ الىپ وتىرعاندىعىن بايقاتادى. ىشەك قابىنۋى اۋرۋلارىنا مەن ورتا جاستاعىلارعا قوسا جاسوسپىرىمدەر دە ءجيى دۋشار بولىپ جاتقانى دا الاڭداتادى. مۇنداي دياگنوز قويىلعانداردىڭ ورتاشا جاسى – 35-40 جاس ارالىعىنداعىلار. ىقا كەسەلىنە كوبىنەسە ۋربانيزاتسيا, كۇيزەلىس, جۇقپالى اۋرۋلار مەن انتيبيوتيكتەردى ءوز بەتىنشە قابىلداۋ سياقتى جاعدايلار جەتەلەيدى.
ء«بىزدىڭ كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا ەلىمىزدەگى العاشقى, زاماناۋي دياگنوستيكالىق بازامەن جابدىقتالعان ءارى بىلىكتى مامانداردىڭ مۋلتيديستسيپلينارلىق توبى جۇمىس ىستەيتىن Iقا, قىسقا ىشەك سيندرومىن ەمدەۋ جانە نۋتريتيۆتىك تۇزەتۋ مامانداندىرىلعان ورتالىق اشىلدى. جاڭا ورتالىقتىڭ مىندەتى – Iقا مەن قىس بار ناۋقاستاردىڭ دەنساۋلىعىن دۇرىستاپ, دەرتىن اسقىندىرماۋ. ورتالىقتىڭ ەسىگى كاسىبي كومەككە مۇقتاج جاندارعا اشىق», - دەيدى باسقارما توراعاسى مارات پاشيموۆ.
فورۋمعا قاتىسۋشىلار دەر كەزىندە دياگنوستيكالاۋدىڭ قاجەتتىلىگىن, جوعارى تەحنولوگيالىق زەرتتەۋ ادىستەرى مەن بيولوگيالىق تەراپيانىڭ قولجەتىمدىلىگىن, سونداي-اق Iقا ەمدەۋدەگى كوپسالالى ءتاسىلدىڭ ماڭىزدىلىعىنا توقتالدى. ماماندار ءالى دە شەشىمىن تاپپاعان ماسەلەلەر قاتارىندا بىرقاتار وڭىرلەردە ەندوسكوپيالىق دياگنوستيكاعا قولجەتىمدىلىك شەكتەۋلى, پاتسيەنتتەرگە پسيحولوگيالىق قولداۋ جەتىسپەۋشىلىگى بار ەكەندىگىن اتادى.
سونىمەن قاتار ۇلتتىق فورۋم اياسىندا جاس عالىمداردىڭ بايقاۋى ءوتتى.
فورۋم بارىسىندا ەلىمىزدە مامانداندىرىلعان ورتالىقتار جەلىسىن كەڭەيتىپ, پانارالىق بىرلەسكەن جۇمىستى كۇشەيتۋ, حالىقارالىق تاجىريبەگە نەگىزدەلگەن كلينيكالىق ۇسىنىمداردى ەنگىزۋ مەن دارىگەرلەر ءۇشىن تۇراقتى كاسىبي ءبىلىم بەرۋ باعدارلامالارىن دامىتۋ قاجەتتىگى تالقىلاندى.
الماتى
