فوتو: kazgazeta.kz
بۇگىندە 5,2 ملن گەكتاردان استام اۋىل شارۋاشىلىعى جەرىنە ءدان سەبىلگەن.
اقمولا وبلىسىندا – 971,1 مىڭ گا, الماتى وبلىسىندا – 228,4 مىڭ گا, اقتوبە وبلىسىندا – 124,9 مىڭ گا, شىعىس قازاقستان وبلىسىندا – 337,6 مىڭ گا, جامبىل وبلىسىندا – 316,5 مىڭ گا, باتىس قازاقستان وبلىسىندا – 171,2 مىڭ گا, قاراعاندى وبلىسىندا – 435 مىڭ گا, قوستاناي وبلىسىندا – 385,1 مىڭ گا, پاۆلودار وبلىسىندا – 467,9 مىڭ گا, سولتۇستىك قازاقستان وبلىسىندا – 359,1 مىڭ گا, تۇركىستان وبلىسىندا – 482 مىڭ گا, جەتىسۋ وبلىسىندا – 353,6 مىڭ گا, اباي وبلىسىندا – 463,6 مىڭ گا جانە باسقا وڭىرلەردە دە ەگىس جۇمىستارى جۇرگىزىلىپ جاتىر.
ءداندى داقىلدار – 3 ملن گەكتاردان استام, مال ازىعى داقىلدارى – 382,3 مىڭ گا, كوكونىس – 91,4 مىڭ گا, كارتوپ – 66,7 مىڭ گا, باقشا داقىلدارى – 69,9 مىڭ گا, مايلى داقىلدار – 1,2 ملن گا, ماقتا – 130,9 مىڭ گا, قانت قىزىلشاسى – 17,4 مىڭ گا, كۇرىش – 52,6 مىڭ گەكتار جەرگە ەگىلگەن.
اگرارلار 1 ملن توننادان استام مينەرالدىق تىڭايتقىش جەتكىزۋگە كەلىسىمشارت جاساعان, ونىڭ ىشىندە 849,2 مىڭ تونناسى جونەلتىلىپ ۇلگەرگەن.
سالالىق مينيسترلىك بيىل تۇقىمعا دەگەن قاجەتتىلىك 2,3 ملن توننانى قۇراعانىن, بۇل كورسەتكىش 100% قامتاماسىز ەتىلگەنىن اتاپ ءوتتى. سونداي-اق بولىنگەن 401 مىڭ توننا ديزەل وتىنىنىڭ 233 مىڭ تونناسى جونەلتىلگەن.
