اقپاراتتار اعىنى

*اگروونەركاسىپتىك كەشەن سۋبەكتىلەرىن ينۆەس­تي­تسيا­لىق سۋبسيديالاۋ قايتا­دان قولعا الىندى. باع­دارلاما بويىنشا ەلىمىز­دىڭ اگروونەركاسىپتىك كەشە­نىن­دە جاڭا وندىرىستىك قۋات­تار قۇرۋعا جانە جۇمىس ىستەپ تۇرعاندارىن كەڭەيتۋگە باعىت­تالعان شىعىنداردىڭ ءبىر ءبو­لىگى وتەلەدى. جوبانىڭ وپەراتو­رى جانە ينۆەستورلاردان ءوتى­نىم­دەر قابىلداۋشى «قازاگرو­مار­كەتينگ» اق بولىپ تابىلادى. *قازاقستاندىقتاردىڭ اتاۋلى اقشالاي تابىستا­رى ءبىر جىلدا 10,2 پايىزعا ءوس­ءتى. ۇلتتىق ەكونوميكا مي­نيس­ترلىگى ستاتيستي­كا كو­مي­تەتىنىڭ مالىمە­تىنشە, 2014 جىلدىڭ جەلتوق­سانىن­داعى ەسەپ بويىنشا, ءبىر قىز­مەت­كەردىڭ ورتاشا ايلىق اتاۋ­لى جالاقىسى 154 577 تەڭگە بول­عان. بۇل – 2013 جىل­دىڭ ەسەپتى كەزەڭىندەگى كورسەت­كىش­پەن سا­لىس­تىرعاندا 12,8 پايىزعا ارتىق. *ەلىمىزدىڭ جۇك اينالىمى كولەمى ءبىر جىلدا 22 پايىزعا ۇلعايدى. ستاتيستيكالىق دەرەكتەردە كورسەتىلگەندەي, جۇك تاسىمالىنىڭ مولشەرى 40,7 ملرد. توننا-شاقىرىمدى قۇراعان. *استانانىڭ باس جوس­پارىنا تۇزەتۋ ەنگىزىلدى. قا­لانىڭ باس ساۋلەتشىسى ۆي­تالي سيلەتسكيدىڭ ايتۋىنشا, ەلوردانىڭ باس جوسپارىن قايتا تۇزەتۋ ماسەلەسى كولىك, ينجەنەرلىك جانە الەۋمەتتىك-مادەني ينفراقۇرىلىمدى قايتا قاراۋدان جانە ەكسپو-2017 حالىقارالىق مامان­داندىرىلعان كورمەسى قار­ساڭىندا جاڭا نىسانداردى سالۋدان تۋىنداعان. *شىمكەنتتە «قاز­ترانس­گاز» اق حالىققا قىزمەت كورسەتۋ ورتالىعىن اشتى. كومپانيانىڭ ءباسپاسوز قىز­مەتى حابارلاعانداي, بۇل ما­مان­داندىرىلعان ورتالىق زاماناۋي تەحنولوگيالارمەن جابدىقتالعان. بۇگىندە وڭتۇستىك قازاقستاندا 270 مىڭنان استام ابونەنت, 660 ونەركاسىپتىك كاسىپورىن جانە 6 مىڭنان استام كوممۋنالدىق-تۇرمىستىق كاسىپورىن بار. *قىزىلوردا وبلىسىندا كاسىپكەرلەرگە قولداۋ كورسەتۋ ورتالىعى پايدالانۋعا بەرىلدى. سىرداريا اۋدانىندا «ءبىر تەرەزە» قاعيداسى بويىنشا كاسىپكەرلەرگە قىزمەت كور­سەتەتىن بۇل مەكەمەدەكا­سىپكەرلەر پالاتاسىنىڭ, «قاز­اگروماركەتينگ» اق-تىڭ, «كا­سىپكەرلەردى قارجىلاي قول­داۋ قورى» اق-تىڭ, «قازاق­ستاننىڭ حالىق بانكى» اق-تىڭ جانە «حالىققا قىزمەت كورسەتۋ ورتالىعى» مەملەكەتتىك مەكە­مەسىنىڭ ماماندارى مەن كونسۋلتانتتارى جۇمىس ىستەيدى. *تارازدا ءىرى كوكونىس قوي­ماسى پايدا بولدى. «تاراز» اكك ۇك» اق-تىڭ يەلى­گىندەگى اتالمىش نىساننىڭ سىيىم­دىلىعى  – 5,8 مىڭ تون­نا. جاڭا جوبانى جۇزەگە اسىرۋعا شامامەن 540 ملن. تەڭگە جۇمسالعان. *سولتۇستىك قازاقستان ين­ۆەس­تورلارى 663 ملن. تەڭگە سۋبسيديا العان. «قاز­اگروماركەتينگ» اق وبلىستىق فيليالىنىڭ ديرەكتورى  قانات بەيسەنوۆ كورسەتىلگەن قارا­جاتتىڭ مال شارۋاشىلىعى مەن استىق قويمالارىن قۇرۋعا جۇمسالعانىن مالىمدەدى. *شىعىس قازاقستاندا ارداگەرلەرگە ارنالعان سايت جاسالىپ جاتىر. وبلىس اكىمىنىڭ ورىنباسارى جاقسىلىق ومار اتاپ كورسەتكەندەي, وندا ارداگەرلەردىڭ ءومىربايانى, حاتتارى, دەرەكتى فيلمدەر مەن بەينەروليكتەر ورنالاستىرىلماق. قازىرگى تاڭدا وڭىردە 614 ۇوس قاتىسۋشى مەن مۇگەدەگى جانە 27 918 تىل ەڭبەككەرى تۇرادى. حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا دايىندالدى.