جاڭا سەرۆيستىڭ قاجەتتىلىگى «eGov» قوسىمشاسىنداعى ونلاين ساۋالناما ناتيجەسىندە ايقىندالدى. ساۋالناماعا 50 مىڭنان استام ادام قاتىسىپ, ولاردىڭ 53%-ى جەكە دەرەكتەرىنىڭ ينتەرنەتتە تاراپ كەتكەنىن بايقاسا دا, قايدا جۇگىنەتىنىن بىلمەيتىندەرىن مويىنداعان. ال 62%-ى مۇنداي جاعدايدا قالاي ارەكەت ەتەتىنىن بىلسە, 31% ادام فيشينگ دەگەننىڭ ءتىپتى نە ەكەنىن تۇسىنبەيتىن بولىپ شىقتى. بۇل – ينتەرنەتتەگى الاياقتاردىڭ ەڭ كوپ قولداناتىن ايلاسىنىڭ ءبىرى. ءار بەسىنشى ادام عانا جالعان سايتتى شىنايى سايتتان اجىراتا الاتىنىن ايتقان.
وسى ولقىلىقتى ەسكەرە وتىرىپ, «Nomad Guard» دەپ اتالاتىن جاڭا سەرۆيس ىسكە قوسىلدى. بۇل قىزمەت فيشينگتىك سىلتەمەلەردى, جالعان سايتتاردى جانە دەرەكتەردىڭ تارالۋ فاكتىلەرىن تەكسەرۋگە مۇمكىندىك بەرەدى.
اتالعان قىزمەتتى قالاي قولدانۋعا بولادى؟ ەڭ اۋەلى, «eGov Mobile» قوسىمشاسىنا كىرىپ, «باسقا سەرۆيستەر» بولىمىنە ءوتۋ قاجەت. سودان سوڭ «تەكسەر» باتىرماسىن باسىپ, سايتتىڭ نەمەسە سىلتەمەنىڭ مەكەنجايىن ەنگىزىپ, «جىبەرۋ» باتىرماسىن باسۋ كەرەك. ال تەكسەرۋ ناتيجەسىن «مەنىڭ تەكسەرۋلەرىم» بولىمىنەن كورە الاسىز.
سونداي-اق قوسىمشادا «الاياقتىق» ءبولىمى بار, بۇل ارقىلى كۇماندى جاعدايلار تۋرالى حابارلاۋعا بولادى.
