سۋرەتتى تۇسىرگەن – يگور بۋرگاندينوۆ
اقىننىڭ قوس جىر جيناعىنا ءار جىلداردا جازعان ولەڭدەرى مەن اندەرىنىڭ ماتىندەرى توپتاستىرىلعان. ال «ساعىنىش-عۇمىر» اتتى پارتيتۋرالار جيناعىنا سازگەردىڭ كوپشىلىككە تانىمال تۋىندىلارىنىڭ وركەسترگە ارنالعان پارتيتۋرالارى مەن نوتالارى بەرىلىپ وتىر. كىتاپ جالپى ونەرسۇيەر قاۋىمعا, سونداي-اق كاسىبي مۋزىكالىق وقۋ ورىندارىنا, ۇجىمدارعا ارنالعان. تانىستىرىلىمعا مەملەكەت جانە قوعام قايراتكەرلەرى مەن زيالى قاۋىم وكىلدەرى قاتىستى.
جيىنعا جازۋشىلار وداعى استانا قالاسىنداعى فيليالىنىڭ ديرەكتورى باۋىرجان باباجان ۇلى مودەراتورلىق ەتتى. پرەزيدەنت كەڭەسشىسى, اكادەميك باۋىرجان ومار ۇلى كەش يەسىنە مەملەكەت باسشىسى قاسىم-جومارت توقاەۆتىڭ العىس حاتىن تابىس ەتتى. ءۇش بىردەي كىتاپتىڭ لەنتاسى قيىلعان جيىنعا مەملەكەت جانە قوعام قايراتكەرى كۇلاش ءشامشيدينوۆا, جازۋشى الىبەك اسقاروۆ, اقىندار مارالتاي رايىمبەك ۇلى, ابۋباكىر سمايىل, مارجان ەرشۋ, رەجيسسەر گۇلسينا مەرعاليەۆا, باسقا دا زيالى قاۋىم وكىلدەرى قاتىسىپ, ەلەنا ماجيتقىزىنىڭ ايتىسكەرلىك, سازگەرلىك, اقىندىق قىرى جايىندا لەبىزدەر مەن ەستەلىكتەر ايتىلدى.
بەلگىلى مۋزىكاتانۋشى جانعالي ءجۇزباي ەلەنا ابدىحالىقوۆانىڭ ساز ونەرىندەگى ەرەكشە جولى, ونىڭ ءار جىلدارى جازعان كوپشىلىككە تانىمال تۋىندىلارىنىڭ وركەسترگە ارنالعان پارتيتۋرالارى مەن نوتالارى بەرىلىپ وتىرعان «ساعىنىش-عۇمىر» اتتى جيناعى جايىندا كەڭىرەك ايتىپ ءوتتى.
ايتا كەتەيىك, بۇل تانىستىرىلىم ونەر يەسىنىڭ جۋىردا ەلوردادا وتكەن «ساعىنىش عۇمىر» اتتى مەرەيتويلىق كەشىنىڭ اياسىندا ۇيىمداستىرىلدى.
