جوبا اياسىندا ەكىنشى جىل قاتارىنان قالالىق اۆتوبۋستاردىڭ ءبىرى تولىعىمەن قازاقستاندىق ءانشىنىڭ سۋرەتتەرىمەن بەزەندىرىلىپ, ەلدەگى سەارا شتاتىنىڭ ورتالىعى, برازيلياداعى ەڭ ۇلكەن بەس قالانىڭ ءبىرى فورتالەزا قالاسىنىڭ كوشەلەرىمەن ءجۇرىپ وتەدى.
فورتالەزا — 300 جىلدىق تاريحى بار جانە شامامەن 2,7 ميلليون حالقى بار قالا. ءول وزىنىڭ كوركەم جاعاجايلارىمەن, جىلى كليماتىمەن, بەلسەندى مادەني ومىرىمەن جانە قوناقجاي اتموسفەراسىمەن تانىمال. قازىر بۇل قالانىڭ كوشەلەرىندە ديماشتىڭ سۋرەتى بەينەلەنگەن اۆتوبۋستار جۇيتكۋدە.
اۆتوبۋستا, سونداي-اق, «الەمدەگى ەڭ ەرەكشە داۋىس!» دەگەن جازۋ جازىلعان ءارى ديماشتىڭ 2024 جىلى كونتسەرتتەرى وتكەن بارسەلونا, بەرلين جانە لوندون سياقتى قالالار كورسەتىلگەن. سونداي-اق, اۆتوبۋستىڭ ارتقى جاعىندا ديماشتىڭ 2021 جىلعى Digital Show-دا «Sos d’un terrien en détress» ءانى بار QR كودى بەرىلگەن.
