سونىڭ ءبىرى – اقتاۋ قالاسىنان 36 شاقىرىم جەردە, جاعاجاي اۋماعىندا, تانىمال «زولوتوە سولنىشكو» دەمالىس بازاسىنا جاقىن جەردەن اشىلعان «شاحريستان» دەمالىس ورنى. جەكە كاسىپكەردىڭ قارجىسىنا شىعىس ستيلىندەگى ساۋلەتتىك ناقىشتارمەن ارلەنىپ سالىنعان ءۇش قاباتتى كەشەندە دەمالۋشىلارعا بارلىق جاعداي جاسالعان. قوناقۇيدە اۋماعى 25-تەن 60 شارشى مەترگە دەيىنگى 20 بولمە بار جانە بارلىق بولمە زاماناۋي جابدىقپەن قامتاماسىز ەتىلگەن. سونداي-اق كەشەن ينفراقۇرىلىمىندا 25 ورىندىق مەيرامحانا, 30 ادامعا ارنالعان VIP-زال, تۇرىك حامامى, جازعى كۇركە, تەگىن اۆتوتۇراق بار, كەشەندە ءتاۋ-
لىك بويى تىركەۋ قىزمەتى جۇمىس ىستەيدى.
جاڭا دەمالىس ورنىنىڭ تاعى ءبىر ەرەكشەلىگى تۋريستەرگە ماڭعىستاۋ وبلىسىنىڭ كيەلى جانە تاريحي ورىندارىنا ارنايى تۋرلار ۇيىمداستىرۋدى ۇسىنادى. بۇل – «اشىق اسپان استىنداعى مۇراجاي» اتانعان ماڭعىستاۋدى ارالاپ, تابيعاتىمەن, تاريحي ەسكەرتكىشتەرىمەن تانىسامىن دەگەن قوناقتار ءۇشىن تاماشا مۇمكىندىك.
جاڭا تۋريستىك نىساننىڭ سالتاناتتى اشىلۋ راسىمىنە ماڭعىستاۋ وبلىسى اكىمىنىڭ ورىنباسارى اببات ورىسباەۆ قاتىستى.
– مەملەكەت باسشىسى قاسىم-جومارت توقاەۆ ماڭعىستاۋ ءوڭىرىنىڭ تۋريزم سالاسىن دامىتۋ جونىندە ناقتى تاپسىرمالار بەردى. بۇگىندە سول مىندەتتەر اياسىندا وڭىرىمىزدە جاڭا تۋريستىك نىساندار بوي كوتەرىپ جاتىر. تەڭىز جاعالاۋىنداعى «شاحريستان» قوناقۇيى شەتەلدىك كۋرورتتاردان كەم تۇسپەيدى. بۇل جوبا ءوڭىردىڭ تۋريستىك تارتىمدىلىعىن ارتتىرىپ, كەلۋشىلەر لەگىنىڭ ارتۋىنا سەپتىگىن تيگىزەدى دەپ سەنەمىز. وبلىس اكىمدىگى مۇنداي باستامالاردى ءاردايىم قولدايدى, – دەدى اببات ورىسباەۆ.
جاز ماۋسىمى باستالار الدىندا جاڭا ءبىر دەمالىس ورنىمەن تولىققان اقتاۋعا بيىل دەمالۋشىلار لەگى اعىلارى انىق.
ماڭعىستاۋ وبلىسى
