دەپارتامەنت جوسپارىندا الداعى ۋاقىتتا ەكولوگيالىق قۇقىق بۇزۋشىلىقتى بولدىرماۋعا مۇمكىندىك بەرەتىن كامەرالار جەلىسىن كوبەيتۋ بار. جىل باسىنان بەرى پوليتسەيلەر اتالعان باعىتتا 5508 اكىمشىلىك قۇقىق بۇزۋشىلىقتى انىقتاپتى.
پوليتسيا باسقارماسى جەدەل باسقارۋ ورتالىعىنىڭ 40 دانا بەينەباقىلاۋ كامەراسىنا پيلوتتىق رەجيمدە جاڭا جۇيە ورناتىلدى. بۇل بەينەباقىلاۋ كامەرالارىنىڭ بەينە اعىنىن وڭدەپ, تالداۋعا مۇمكىندىك بەرەدى.
«جىل سوڭىنا دەيىن وبلىس اكىمىنىڭ تاپسىرماسىنا سايكەس, تۇرعىنداردىڭ قاۋىپسىزدىگى مەن قالا تازالىعىن قامتاماسىز ەتۋ ماقساتىندا 1400 بەينەباقىلاۋ كامەراسى ورناتىلىپ, جاساندى ينتەللەكتىسى بار جاڭا جۇيە ارقىلى قوعامدىق ورىنداردى لاستاۋ فاكتىسىن اۆتوماتتى تۇردە انىقتاۋ فۋنكتسياسى تولىق ىسكە قوسىلادى», دەيدى قىزىلوردا وبلىسىنىڭ پوليتسيا دەپارتامەنتى باستىعىنىڭ ورىنباسارى ءسابيت يبادۋللا.
بىلتىر ەلىمىزدە العاش رەت وبلىس اكىمى قولداۋىمەن بارلىق 7 اۋدان ورتالىعىنا 539 بەينەباقىلاۋ كامەراسى ورناتىلىپ, اۋداندىق پوليتسيا بولىمدەرىنە جاڭادان كىشى جەدەل باسقارۋ ورتالىقتارى قولدانىسقا بەرىلگەن. الدا بۇل باعىتتاعى جۇمىستار جاندانا بەرمەك.
