فابريكا «وڭتۇستىك» ارنايى ەكونوميكالىق ايماعىندا ورنالاسقان, جىلىنا 5 ملن شارشى مەترگە دەيىن كىلەم ونىمدەرىن شىعارادى.
كومپانيا باسشىسى تالعات ىسحاقوۆ ۇلتتىق پالاتا توراعاسىنا فابريكانىڭ جۇمىسىن بايانداپ, وندىرىستەگى جاڭالىقتارمەن ءبولىستى. ر.باتالوۆ كىلەم ديزاينى قالاي تاڭدالاتىنىن, شيكىزات قالاي ازىرلەنەتىنىن جانە دايىن ءونىمدى جونەلتۋگە دەيىنگى ءوندىرىس تىزبەكتەرىن تاماشالادى.
سونداي-اق, «اتامەكەن» ۇكپ توراعاسى «بال تەكستيل» فابريكاسىندا «KMG PetroChem» جشس باسقارما توراعاسىنىڭ بيزنەستى دامىتۋ جونىندەگى ورىنباسارى دياز ديانوۆپەن, سونداي-اق «Kazakhstan Petrochemical Industries Inc» كومپانياسىنىڭ باسشىلىعىمەن كەزدەستى. جيىندا «بال تەكستيل» كومپانياسىنىڭ ۇلگىسىندە قازاقستاندىق قامتۋدى ارتتىرۋ ماسەلەلەرى تالقىلاندى. ماسەلەن «بال تەكستيل» تۇتىناتىن پوليپروپيلەن شيكىزاتىن ءجۇز پايىز فابريكانىڭ ءوزى شىعارادى. وسى سەكىلدى كاسىپرىندار تاۋار شىعارۋدا وتاندىق شيكىزاتقا كوبىرەك يەك ارتقان ءجون دەگەن پىكىر ءبىلدىردى پالاتا توراعاسى. بۇل بىرىنشىدەن وتاندىق ءوندىرىستى شەتەلدىك شيكىزاتقا تاۋەلدىلىكتەن ارىلتسا, ەكىنشىدەن كاسىپكەرلىك سالاسىنىڭ دامۋىنا سەرپىن بەرەدى. ءىرى كاسىپورىن جانىنان قوسىمشا وندىرىستەر اشىلۋ ارقىلى جاڭا جۇمىس ورىندارى پايدا بولادى. بۇل ءوز كەزەگىندە ەلدىڭ الەۋمەتتىك ماسەلەسىن شەشۋگە وڭ سەپتىگىن تيگىزەدى. ال وتاندىق ءونىم نەعۇرلىم قازاقستاننىڭ شيكىزاتىمەن, تەحنولوگياسىمەن جاسالعان سايىن سوعۇرلىم ۇلتتىق ەكونوميكا العا قارىشتاپ داميدى. ر.باتالوۆ كەزدەسۋدە وسىنداي پىكىر ءبىلدىردى.
ايتا كەتۋ كەرەك, ۇلتتىق كاسىپكەرلەر پالاتاسى جۇمىسىنىڭ نەگىزگى باعىتى – بيزنەستى سۇرانىسقا ساي سالا-سالا بويىنشا دامىتۋدى قاراستىرادى. سونداي-اق, شيكىزات شىعارۋشىلار مەن دايىن ءونىم وندىرۋشىلەردىڭ اراسىنداعى سەرىكتەستىك بايلانىستى قامتاماسىز ەتۋدى كوزدەيدى.
«بال تەكستيل» بۇگىنگى تاڭدا ەلىمىزدەگى وتاندىق ءىرى تاۋار ءوندىرۋشى بولىپ تابىلادى. وسى سەكىلدى وڭىرلەردەگى كومپانيالارعا «بايتەرەك», «دامۋ» قورلارى ارقىلى قولداۋ كورسەتىپ, جەڭىلدەتىلگەن نەسيە بەرۋدى قاراستىرۋ كەرەك. سونىمەن قاتار, قازاقستاندىق كومپانيالار اراسىندا وففتەيك كەلىسىمشارتتار ءتۇزۋدىڭ دە ماڭىزى زور. بۇل كەلىسىمشارتتىڭ ماقساتى شىعارىلاتىن تاۋاردى ساتىپ الاتىن تۇتىنۋشىلارمەن الدىن الا كەلىسىمدەر جاساسۋ. ءبىز بىرلەسىپ وتاندىق بيزنەستى, جەرگىلىكتى ءوندىرىستى ارتتىرۋعا كۇش سالاتىن بولامىز» دەدى «اتامەكەن» ۇكپ توراعاسى ر.باتالوۆ.
جالپى «بال تەكستيل» – كىلەمدەر مەن كىلەم ونىمدەرىن شىعاراتىن تاۋەلسىز قازاقستان تاريحىنداعى العاشقى فابريكا. ول سونىمەن بىرگە, بۇگىنگى تاڭدا ورتالىق ازياداعى ەڭ ءىرى كىلەم فابريكالارىنىڭ بىرىنە كىرەدى. قۇرىلعان مەرزىمى 2012 جىل. كومپانيا ونىمدەرى تمد ەلدەرى بىلاي تۇرسىن, ەۋروپا نارىعىندا دا ۇلكەن سۇرانىسقا يە. الەمدىك ساۋدا جەلىسى IKEA ءبىر كەزدەرى وتاندىق كىلەمدى دۇنيە ءجۇزى نارىعىنا ساۋدالاعان.
شىمكەنت
