Cاراپتامالىق كەڭەس مۇشەلەرى ۆك جەلىسىندە جانە YouTube ارناسىندا اشىق داۋىس بەرۋ ارقىلى بايقاۋعا قاتىسقان 17 جوبانىڭ ىشىنەن ماسكەۋ, سانكت-پەتەربۋرگ, تامبوۆ قالالارى مەن قازاقستاننان اقتوبە وبلىستىق كىتاپحاناسىن ىرىكتەپ الدى. اقتوبەلىك كىتاپحاناشىلار وتكەن جىلى «شەكاراسىز ادەبيەت» جوباسى اياسىندا ءساتتى جوبالار ۇيىمداستىرعانى ءۇشىن ۇزدىك شىقتى. جۇلدەگەرلەر «كىتاپحانالاردىڭ بولاشاعىن قالىپتاستىرۋ» VIII- جيىنىندا ماراپاتتالدى. شەتەل ادەبيەتى كىتاپحاناسىنىڭ باس ديرەكتورى مارينا زاحارچەنكو س. بايىشەۆ كىتاپحاناسىنىڭ ديرەكتورى سۇلۋشاش حاكيموۆانى قۇتتىقتادى. رۋدومينو سىيلىعى ەكى كىتاپحاناشىعا شەتەل ادەبيەتى كىتاپحاناسىندا بىلىكتىلىك كۋرستارىنان وتۋگە جانە حالىقارالىق كاسىبي باعدارلامالارعا قاتىسۋعا مۇمكىندىك بەرەدى. اقتوبەلىك كىتاپحاناشىلار شەتەل ادەبيەتى كىتاپحاناسىنا اباي قۇنانباي ۇلىنىڭ قارا سوزدەرى مەن «اقتوبە قالاسىنىڭ تاريحى» كىتاپتارىن سىيعا تارتتى.
قازىلار القاسىنىڭ قۇرامىندا شەتەل ادەبيەتى كىتاپحاناسىنىڭ باس ديرەكتورى پاۆەل كۋزمين, وسى كىتاپحانانىڭ قامقورشىلىق كەڭەسىن مۇشەسى ۆاسيلي رۋدومينو, قۇرمانعازى بايالينوۆ اتىنداعى بالالار مەن جاسوسپىرىمدەر كىتاپحاناسىنىڭ ديرەكتورى روزا سۇلتانعازيەۆا, ناۋاي اتىنداعى وزبەك رەسپۋبليكاسى ۇلتتىق كىتاپحاناسىنىڭ ديرەكتورى ۋميدا تەشاباەۆا جانە تاجىك رەسپۋبليكاسى ۇلتتىق كىتاپحاناسىنىڭ ديرەكتورى دجۋماحون فايزوليزودا بولدى.
اقتوبە وبلىسى.
