فوتو: جوعارعى سوت
وقيعا 2025 جىلعى 2 مامىر كۇنى ساعات 16:00 شاماسىندا تىركەلگەن. 2008 جانە 2009 جىلى تۋعان كامەلەتكە تولماعان ج. مەن ي. ەسىمدى قىزدار ۇياتسىز بي بيلەپ, ونى بەينەجازباعا تۇسىرگەن. الەۋمەتتىك جەلىدە بەينەروليك «ساياباقتى قورلايمىز» دەگەن ورىنسىز جازۋمەن جاريالانعان.
سوت وتىرىسىندا وقۋشىلار كىنالارىن تولىق مويىنداپ, ۆيدەونى TikTok-تاعى ترەندكە ەلىكتەپ تۇسىرگەندەرىن ايتقان. ازاماتشا ج. تۇسىرىلىمگە حورەوگرافتىڭ شاقىرۋىمەن قاتىسقانىن, ال ي. جەڭىس كۇنىن اتاپ ءوتۋدى كوزدەگەنىن جەتكىزگەن. الايدا, ولاردىڭ بۇل ارەكەتى قوعامنىڭ سىنىنا ۇشىرادى.
«سوت ۇسىنىلعان ماتەريالداردى قاراپ, كامەلەتكە تولماعان ج. جانە ي.-ءدى اكىمشىلىك قۇقىق بۇزۋشىلىق جاساعاندارى ءۇشىن كىنالى دەپ تانىپ, ارقايسىسىنا 10 اەك 39 320 تەڭگە مولشەرىندە اكىمشىلىك ايىپپۇل تۇرىندەگى اكىمشىلىك جازا تاعايىندادى», دەلىنگەن حابارلامادا.
سوت قاۋلىسى ءالى زاڭدى كۇشىنە ەنگەن جوق.
