قاۋىپسىزدىكتى كۇشەيتۋگە توتەنشە جاعدايلار دەپارتامەنتى ىقپالىمەن قۇرىلعان «جاس قۇتقارۋشى» كلۋبى دا كومەك بەرىپ وتىر.
«جاسىراتىنى جوق, قاۋىپسىزدىكتى ەلەمەيتىندەر ءالى دە كوپ. سونىڭ سالدارىنان جىل باسىنان 3 ادام سۋعا كەتتى. اقبتك-ءنىڭ 412-بابى بويىنشا 5 ادامعا حاتتاما تولتىرىلىپ, ايىپپۇل سالىندى. قازىر پروفيلاكتيكالىق جۇمىستارعا 225 ەرىكتىنى جۇمىلدىرىپ وتىرمىز», دەيدى تجد ازاماتتىق قورعانىس باسقارماسى باسشىسىنىڭ مىندەتىن اتقارۋشى عافۋر اقمىرزاەۆ.
ونلاين رەجيمدە وبلىستىڭ 31 548 وقۋشىسىنا «سۋداعى قاۋىپسىزدىك ەرەجەلەرى» تاقىرىبى بويىنشا ينتەراكتيۆتىك ساباقتار وتكىزىلىپتى. بيىلعى وقۋ جىلىندا وبلىستا 187 «جاس قۇتقارۋشى» ۇيىرمەسى قۇرىلىپ. ولارعا 1753 بالا قاتىسىپتى.
جۋىردا وسى كلۋبتار اراسىندا وبلىستىق سايىس وتەدى. ۇزدىك شىققان كوماندا كوكشەتاۋ قالاسىندا وتەتىن نەگىزگى سايىسقا جولداما الادى.
