قول جەتكىزەر ماقساتىمىز جوعارى

ەلباسىمىزدىڭ قازاقستاننىڭ «نۇرلى جول» جاڭا ەكونوميكالىق ساياساتى ايقىندالعان حالىققا جولداۋى بۇكىل حالقىمىز تاراپىنان قولداۋ تاۋىپ, تالقىلانىپ جاتىر. پرەزيدەنت نۇرسۇلتان ءابىش ۇلى وسى جولداۋدا نەگىزگى-نەگىزگى دەپ ۇلكەن بەس باعىتتى اتاپ ءوتتى. ءبىرىنشى – شا­عىن جانە ورتا بيزنەس, ەكىنشى – بانك سەكتورىن ساۋىقتىرۋ, ءۇشىنشى – جاڭا ينۆەستيتسيالار تارتۋ, ءتورتىنشى – ەكسپو- 2017 كەشەنى قۇرىلىسى, بە­سىنشى – استانانىڭ كولىكتىك ين­فرا­­قۇ­رىلىمىن دامىتۋ. جولداۋ جول­دارىنان كورىپ وتىرعانىمىزداي, بەس باعىتتىڭ العاشقىسى بولىپ شاعىن جانە ورتا بيزنەس اتالىپ وتىر. ول بەكەر ەمەس. «وتكەن جىلى, – دەدى ەلباسى – 4,5 مىڭ جۇمىس ورنى اشىلدى. بولىنگەن 100 ميلليارد تەڭگە تولىقتاي يگەرىلدى. بيزنەستى 10 جىلعا بار-جوعى 6 پايىزبەن نەسيەلەۋدىڭ شارتى جاسالدى». ءبىزدىڭ اۋىل وكرۋگىندە دە شاعىن جانە ورتا بيزنەسكە كوڭىل اۋدارىپ, جاڭا جۇمىس ورنىن اشۋشىلاردىڭ قاراسىنىڭ كوبەيىپ وتىرعاندىعى قۋانتادى. جانە ولار تەك ءبىر باعىتتا عانا ەمەس, ءار سالانى قامتىپ وتىر. ەلىمىزدە ءتۋريزمدى دامىتۋ ءجونىن­دە اۋقىمدى جوبالاردىڭ ءجۇرىپ جات­قانى بەلگىلى. وعان ءبىزدىڭ اۋىلدىڭ دا ادامدارى ءوز ۇلەستەرىن قوسپاق. الا­كولدىڭ جاعاسىنان كەلۋشىلەرگە قىز­مەت كورسەتۋ ءۇشىن ءتورت ادام شاعىن نەسيە الدى, ەندى كوكتەمنەن باستاپ وسى جۇمىستى باستاماق. ءۇش ادام بال اراسى شارۋاشىلىعىن ورىستەتۋگە بەل بايلاپ وتىر. ءىرى قارا, ۇساق مال ءوسىرۋ ءۇشىن دە نەسيە العاندار از ەمەس. تىگىن تسەحىن, كىرپىش زاۋىتىن اشقاندار دا بار. جولاۋشى تاسىمالداۋمەن اينالىساتىندار تابىلدى. اۋىلىمىزدا كەز كەلگەن ولشەمدە, كوپ مولشەردە پلاستيك ەسىك-تەرەزە شىعارۋشى دا پايدا بولدى. جيھاز جا­ساۋ­شىلاردىڭ تسەحتارى بۇرىن دا بار بو­لاتىن. قازىر سونىڭ قاتارىنا ەرلان باي­بوتانوۆ تا قوسىلدى. ورتا جانە شاعىن بيز­نەستى قولداۋ قاجەتتىگى ەلباسىنىڭ بۇ­دان بۇرىنعى جولداۋلارىندا ايتىلسا, بيىل­عى جولداۋىندا دا كورىنىس تاۋىپ وتىر. بيزنەس جۇمىس ىستەپ ومىرگە جول تارت­­سا, ول – جاڭا جۇمىس ورنىنىڭ اشىلۋى. بيۋدجەت قورجىنىنا قوسىمشا سا­­لىق تۇسىرۋگە كومەك. جۇمىسى بار ادام­نىڭ ەشنارسەگە جالتاقتامايتىنى دا شىندىق. قازىردەن باستاپ قولعا الىنىپ جات­قان ىستەر قاۋىرت ىسكە اسىپ, ناتيجەسىن كورۋگە دە مۇمكىندىك تۋا­دى. جولداۋدا شاعىن جانە ورتا بيز­نەستى قولداۋ ءۇشىن 100 ميلليارد تەڭگە بولىنەدى دەپ اتاپ كورسەتىلدى. ەندەشە, بيىلعى جىلى دا «جۇمىس­پەن قامتۋ-2020» باعدارلا­ما­سى مەن جول كارتاسى اۋىلداعى ءوزىنىڭ بيزنەسىن اشامىن دەگەن ادامدارعا جاقسى جاعداي تۋعىزاتىنى كۇمانسىز. سوۆەتقان قاليەۆ, ماقانشى اۋىل وكرۋگىنىڭ اكىمى. شىعىس قازاقستان وبلىسى, ءۇرجار اۋدانى.