فوتو: جامبىل وبلىسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتى
تولەگەن سارسەمباەۆ قارجىلىق باقىلاۋ جانە سالىق سالاسىندا 30 جىلدان استام ەڭبەك ءوتىلى بار تاجىريبەلى مامان. ول ەڭبەك جولىن 1993 جىلى باستاپ, الماتى قالاسىنىڭ سالىق ورگاندارىندا ءتۇرلى لاۋازىمداردا قىزمەت اتقارعان.
مەملەكەتتىك كىرىستەر جانە سالىق ورگاندارىنداعى باسشىلىق قىزمەتتەرىن كەلەسىدەي كەزەڭدەر قامتيدى:
- 2005–2008 جىلدارى قىزىلوردا وبلىسى بويىنشا سالىق كوميتەتىن باسقاردى;
- 2009–2013 جىلدارى جامبىل وبلىسى بويىنشا سالىق دەپارتامەنتىنىڭ باسشىسى بولدى;
- 2013–2014 جىلدارى شىعىس قازاقستان وبلىسى بويىنشا مەملەكەتتىك كىرىستەر دەپارتامەنتىن باسقاردى;
- 2014–2017 جىلدارى پاۆلودار وبلىسى بويىنشا مەملەكەتتىك كىرىستەر دەپارتامەنتىن باسقاردى;
- 2019–2020 جىلدارى الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقاردى.
سونداي-اق تولەگەن سارسەمباەۆ وڭتۇستىك قازاقستان جانە تۇركىستان وبلىستارى اكىمدەرىنىڭ ورىنباسارى, الماتى وبلىسى اكىمىنىڭ اپپاراتىنىڭ باسشىسى سەكىلدى جاۋاپتى لاۋازىمداردى اتقارعان.
سوڭعى جىلدارى ول قر قارجى ءمينيسترىنىڭ كەڭەسشىسى, دەنساۋلىق ساقتاۋ مينيسترلىگى اپپاراتىنىڭ باسشىسى سياقتى رەسپۋبليكالىق دەڭگەيدەگى قىزمەتتە بولعان.
جاڭا باسشىنى تانىستىرۋ كەزىندە ەرعالي ەگەمبەردى تولەگەن سارسەمباەۆتىڭ كاسىبي تاجىريبەسى مەن باسشىلىق قابىلەتىنە جوعارى باعا بەرىپ, جامبىل وبلىسىنىڭ سالىق جانە كىرىستەر جۇيەسىن ودان ءارى دامىتۋدا ساتتىلىك تىلەدى.
