فوتو: قر ۇلتتىق ۇلانى
ۇلاندىقتار ءابىلحايىر حان كوشەسىندە ورنالاسقان تۇرعىن ءۇيدىڭ بىرىنەن قويۋ قارا ءتۇتىن شىعىپ جاتقانىن بايقاعان. لەيتەنانت جاسۋربەك ابدۋللاەۆتىڭ جەتەكشىلىگىمەن اسكەري جاساق دەرەۋ ارەكەت ەتىپ, ءورت ءسوندىرۋ جانە مەديتسينالىق قىزمەت وكىلدەرىمەن بىرلەسە وقيعا ورنىنا جەتكەن.
سەرجانت مالىك قولعانات پەن قاتارداعى جاۋىنگەر ابدىبەك ساماتتىڭ باستاماسىمەن اسكەري قىزمەتشىلەر تۇرعىنداردى قاۋىپسىز جەرگە كوشىرىپ, العاشقى كومەك كورسەتكەن. سونىمەن قاتار, ءورت شىققان اۋماق قورشاۋعا الىنىپ, وقيعا ورنىنا ادامدار مەن كولىكتەردىڭ كىرۋىنە شەكتەۋ قويىلعان.
«قويۋ ءتۇتىن تۇرعىن ءۇيدىڭ ءىشىن تۇگەل جاۋىپ, ارنايى قۇرال-جابدىقسىز ىشكە كىرۋ مۇمكىن بولمادى. توتەنشە جاعدايلار قىزمەتىنىڭ ماماندارى تۇرعىنداردى سىرتقا شىعارىپ, بىزگە تاپسىردى. ءبىز ولاردى قاۋىپسىز جەردەگى مەديتسينا قىزمەتكەرلەرىنە جەتكىزدىك», دەدى روتا كومانديرىنىڭ ورىنباسارى جاسۋربەك ابدۋللاەۆ.
ءورت تولىق سوندىرىلگەنگە دەيىن اسكەري قىزمەتشىلەر وقيعا ورنىندا كەزەكشىلىك اتقارعان. قر ءىىم ۇلتتىق ۇلانىنىڭ جاۋىنگەرلەرى, ءورت سوندىرۋشىلەر جانە مەديتسينا قىزمەتكەرلەرى بىرلەسكەن, جەدەل ءارى ۇيلەسىمدى جۇمىسىنىڭ ارقاسىندا جەرگىلىكتى تۇرعىنداردىڭ ءومىرىن امان ساقتاپ قالدى.
