اقىننىڭ ءبىر جىرىندا «اسپاننىڭ شاڭىن شىعارىپ» دەگەن وبراز بار, مۇنى قاتارىمىزدا ەشكىم ايتقان جوق. سونداي-سونداي وبرازدى ولەڭدەر تەمىرحاندا كوپ بولدى. سونىمەن ول ەرەكشەلەنىپ, ورتامىزدا دارالانىپ تۇردى.
ءبىر ۋاقىتتاردا ءبىرشاما جىل ماڭعىستاۋ ساپارىنا بارىپ, سول جاقتان قايتا تۇلەپ, مۇلدە باسقا تەمىرحان بولىپ ورالدى. الماتىدا جۇرە بەرگەندە ءبىر قالپىندا, ءبىر ارنادا بۇرناعىداي جۇرە بەرەر مە ەدى, باتىس ساپارى وعان ەرەكشە اسەر ەتتى. ونان سوڭ ءابىش پەن فاريزالار تەمىرحاننىڭ شىعارماشىلىق جولىن قاداعالاپ وتىرىپ, قولىنان كەلگەن كومەكتى اياعان جوق. ءوزى تۇركىستاندا تۋسا دا, ونى كوبى باتىستا تۋدى دەپ شاتاستىراتىن. ويتكەنى ءوزى دە اتىراۋداي شالقىپ, قالقىپ ەرەكشە ءومىر ءسۇردى.
اتىڭ تەمىر,
قاتتى تيسە ەسىنەن تاندىراتىن ەدى,
ءسوزىڭ كومىر – جۇرەكتى جاندىراتىن ەدى.
اتاق-داڭقتىڭ شاپپاي بەر يەسى بولعان,
ساعان باياعى كوك تۇرىكتىڭ كيەسى قونعان:..
سەن ولگەن جوقسىڭ, تەمىرحان! بارعان سايىن داڭقىڭ عاسىرلارعا وزىپ, ابىرويىڭ ارتا بەرەدى. ءوزىڭ دە, ءسوزىڭ دە ءىرى بولدى. اياعىڭ جەردە, توبەڭ كوك تىرەگەن كوك تۇرىكتىڭ ءبىرى رەتىندە تانىلدىڭ. ءتاڭىر سەنى توبەسىنە تۇتسىن, تەمىرحان! جانىڭ ءجانناتتا, توپىراعىڭ تورقا بولسىن!
سەرىك تۇرعىنبەك ۇلى,
اقىن, حالىقارالىق «الاش» ادەبي سىيلىعىنىڭ لاۋرەاتى
