ەڭ الدىمەن, ادامگەرشىلىگى مىقتى ادام ەدى. بارلىق دۇنيەگە جانى اشىپ, ايتەۋىر بولسا ەكەن دەپ تۇراتىن عاجايىپ جان بولاتىن. ءبارىمىز اياۋلى اعانى وسى ءبىر كىرشىكسىز كوڭىلى ءۇشىن, كەڭ جۇرەكتىگى ءۇشىن جاقسى كورەتىنبىز. اعامىز تۋرالى كوپ جاقسى اڭگىمە ايتۋعا بولادى. دەگەنمەن, اردا اقىننىڭ ازاماتتىعىن ەرەكشە قۇرمەتتەيمىز. جازۋشىلار وداعىنىڭ حاتشىسى بولىپ تۇرعاندا دا, باسقا قىزمەتتە جۇرگەندە دە ارقاشان ار سوزىنەن اتتاعان جوق, اقيقاتىنان اينىعان جوق. ادەبيەتكە ەشقانداي ءبىر جەكە مۇددەسىز شىنىمەن جانى اشيتىن, قاي ساتتە دە ءوزىنىڭ ازاماتتىق پىكىرىن ايتا الدى. تالانتتارعا قامقور, ونەگەسى كوپ, بولمىسى بولەك ادام ەدى. قاي ءىستىڭ باسىنا بارسا دا جاۋاپكەرشىلىكپەن, ازاماتتىق كوزقاراسپەن قارادى. كەيىنگى جاستارعا دا جىلى ءسوزىن كوپ ارنادى. اعا بۋىننىڭ اقىندىق شەبەرلىگى مەن ازاماتتىق كەلبەتىنە كەيىنگى بۋىن – ءبىز, ءاردايىم ءسۇيسىنىپ وتتىك. تەمىرحان اقىن ماڭعىستاۋدا ءجۇرىپ وقىرمانعا كەڭىنەن تانىلدى. سوندا ادەبيەتسۇيەر جۇرتتىڭ جاپا-تارماعاي وقىعان اۆتورى تەمىرحان مەدەتبەك بولدى. ءوزىمىز دە شىعارمالارىن وقىپ وستىك. ەرەكشە سىيلادىق. ارينە, كوز الدىمىزدا جۇرگەن اياۋلى جاندى كىم ولىمگە قيسىن؟ قيمايمىز. دەسە دە اردا ازاماتتىڭ ۋاقىتى كەلگەن ەكەن. قايتالانبايتىن تالانتتى اقىن, جانى ىزگى ادام ەدى. ول كىسىنىڭ ەسىمىن بار قازاق ۇمىتپايدى.
مەيىرحان اقداۋلەت ۇلى,
اقىن
