ءجاسوسپىرىم پسيحونەۆرولوگيالىق ديسپانسەردە ەسەپتە تۇراتىندىقتان ماجبۇرلەپ ەمدەۋگە جىبەرىلەتىن بولدى.
- استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا 14 جاسار ك.- گە قاتىستى مەديتسينالىق سيپاتتاعى ماجبۇرلەۋ شارالارىن قولدانۋ تۋرالى قاۋلىسى بار قىلمىستىق ءىس كەلىپ ءتۇستى (قك 293-بابى 3-بولىگى 2)تارماعى). سوت ك.-نىڭ II توپتاعى مۇگەدەك ەكەنىن, پسيحونەۆرولوگيالىق ديسپانسەردە ەسەپتە تۇرا وتىرىپ, 2025 جىلعى 11 اقپاندا تۇرعىن ءۇي كەشەنىنىڭ ليفتىندە بولعان كەزدە كامەلەتكە تولماعان ادامعا ياعني ە.-ءنىڭ دەنەسىنە زاقىم كەلتىرىپ, ونىڭ بەتىنە پىشاقپەن جاراقات سالعانىن انىقتادى, - دەلىنگەن سوت حابارلاماسىندا.
سوت پسيحولوگيالىق-پسيحياتريالىق ساراپتامانىڭ قورىتىندىسىنا سايكەس ءجاسوسپىرىم سوزىلمالى پسيحيكالىق اۋرۋدىڭ سالدارىنان, ارەكەت كەزەڭىندە ءوزىنىڭ ءىس-قيمىلىنىڭ ناقتى سيپاتى مەن الەۋمەتتىك قاۋىپتىلىگىن تۇسىنبەگەن جانە ولاردى باسقارا الماعان, پسيحيكالىق جاعدايى بويىنشا وزىنە جانە قوعامعا قاۋىپ توندىرگەن.
ول ماجبۇرلەپ ەمدەۋدى قاجەت ەتەدى.
قك 16-بابىنىڭ تالاپتارىنا سايكەس, قوعامعا قاۋىپتى ءىس-ارەكەت جاساعان ۋاقىتتا ەسى دۇرىس ەمەس كۇيدە بولعان ادام قىلمىستىق جاۋاپتىلىققا تارتىلمايدى.
ەسى دۇرىس ەمەس دەپ تانىلعان ادامعا سوت مەديتسينالىق سيپاتتاعى ماجبۇرلەۋ شارالارىن قولدانا الادى.
- سوت قاۋلىسىنا سايكەس, ك.-گە تالعار اۋدانى اقتاس اۋىلىنداعى قارقىندى باقىلاناتىن مامانداندىرىلعان ۇلگىدەگى مەكەمەدە ستاتسيونارلىق ماجبۇرلەپ ەمدەۋ تاعايىندالدى, - دەپ حابارلادى سوتتان.
قاۋلى زاڭدى كۇشىنە ەنگەن جوق.
