فوتو: اشىق دەرەككوز
تالىپتەردىڭ سپورت دەپارتامەنتىنىڭ وكىلى اتالا ماشۆاني شاحماتتى «قۇمار ويىنداردىڭ قاتارىنا جاتاتىن» ارەكەت رەتىندە سيپاتتاپ, وعان تىيىم سالۋ شەشىمى 2024 جىلى قابىلدانعان «ىزگىلىكتى ناسيحاتتاۋ جانە بۇزاقىلىقتىڭ الدىن الۋ تۋرالى» زاڭ اياسىندا جۇزەگە اسقانىن مالىمدەدى.
«شاحمات – ۋاقىتتى زايا كەتىرەدى, ادامداردى الدايدى جانە قۇمار ويىنعا ۇقساس. سول سەبەپتى بۇل ويىنعا تىيىم سالىنادى», دەلىنگەن بيلىك وكىلدەرىنىڭ تۇسىنىكتەمەسىندە.
بۇل شەشىم اۋعانستاندا سوڭعى جىلدارى ەنگىزىلگەن شەكتەۋلەر لەگىنىڭ جالعاسى. بۇعان دەيىن تالىپتەر مۋزىكا تىڭداۋ, كينو كورۋ, ايەلدەردىڭ ءبىلىم الۋى مەن قوعامدىق ومىرگە قاتىسۋىنا تىيىم سالعان بولاتىن.
حالىقارالىق قاۋىمداستىق اتالعان شەكتەۋلەردى ادامنىڭ نەگىزگى قۇقىقتارىنا قول سۇعۋ دەپ باعالاپ وتىر. ال شاحمات ويىنى بۇكىل الەمدە زياتكەرلىك سپورت ءتۇرى رەتىندە مويىندالعان. ءتىپتى كەيبىر مۇسىلمان ەلدەرىندە ونى اقىل-وي جاتتىعۋى, ستراتەگيالىق ويلاۋ قابىلەتىن دامىتاتىن قۇرال رەتىندە دارىپتەيدى.
