بولجامعا سايكەس, يران ايماقتارىنان جىلى اۋا ماسسالارىنىڭ كەلۋى قازاقستاننىڭ وڭتۇستىك جانە ورتالىق وبلىستارىندا جاۋىن-شاشىنسىز ىستىق اۋا رايىن قالىپتاستىرادى. اۋا تەمپەراتۋراسى بىرتىندەپ جوعارىلاپ, 15 مامىر كۇنى كۇندىزگى ۋاقىتتا تەرمومەتر باعاندارى وڭتۇستىك وڭىرلەردە 35-44 گرادۋسقا دەيىن, ورتالىق وڭىرلەردە 35-38 گرادۋسقا دەيىن ىستىقتى كورسەتەدى, اقمولا وبلىسىندا دا 30-35 گرادۋس ارالىعىندا ىستىق اۋا رايى كۇتىلەدى.
«دەگەنمەن, باتىس جانە سولتۇستىك ايماقتارعا تسيكلون مەن ونىمەن بايلانىستى اتموسفەرالىق فرونتتار اسەر ەتەدى, ولار جاڭبىر مەن نايزاعاي اكەلەدى, كەي جەرلەردە قاتتى جاڭبىر جاۋىپ, بۇرشاق ءتۇسۋى دە مۇمكىن», دەدى سينوپتيكتەر.
