ءىس-شاراعا اتىراۋ وبلىسىنىڭ اكىمى سەرىك شاپكەنوۆ, توتەنشە جاعدايلار دەپارتامەنتىنىڭ قىزمەتكەرلەرى مەن ازاماتتىق قورعاۋ ارداگەرلەرى قاتىستى.
بۇل تەحنيكانى بەرۋ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ازاماتتىق قورعاۋ ورگاندارىن ماتەريالدىق-تەحنيكالىق جاراقتاندىرۋدى نىعايتۋ جونىندەگى تاپسىرمالارىن ىسكە اسىرۋداعى ماڭىزدى قادام بولدى. جاڭا اۆتوكولىك توتەنشە جاعدايلار كەزىندە — تابيعي اپاتتاردان تەحنوگەندىك اۆاريالارعا دەيىن شالعايداعى اۋىلدىق ەلدى مەكەندەردە حالىقتىڭ قاۋىپسىزدىگىن قامتاماسىز ەتەتىن بولادى.
«قاجەت بولعان جاعدايدا كومەكتىڭ ارقاشان ۋاقتىلى كەلۋىن قامتاماسىز ەتۋ ءبىزدىڭ باستى مىندەتىمىز. ءبىز كەز كەلگەن قيىندىققا دايىن بولۋىمىز كەرەك, جاڭا تەحنيكا كەز كەلگەن توتەنشە جاعدايعا جەدەل دەن قويۋعا كومەكتەسەدى. ءبىز ەڭ شالعاي اۋدانداردا جوعارى دايىندىق پەن تيىمدىلىكتى قامتاماسىز ەتۋ ءۇشىن اۋىلدىق بولىمشەلەردى بەلسەندى تۇردە جاراقتاپ جاتىرمىز. ەگەر بۇل تەحنيكا كەم دەگەندە ءبىر ادامنىڭ ءومىرىن قۇتقارىپ قالسا, وندا ول ءوزىن تولىعىمەن اقتاعانى», — دەپ شىڭعىس ءارىنوۆ اتاپ ءوتتى.
سونىمەن قاتار مينيستر جەرگىلىكتى بيلىككە تجد اۆتوپاركىن جاڭارتۋعا جانە ءوڭىردىڭ ينفراقۇرىلىمىن دامىتۋعا بەلسەندى قولداۋ كورسەتكەنى ءۇشىن العىسىن ءبىلدىردى.
جۇمىس ساپارى اياسىندا ازاماتتىق قورعاۋ بولىمشەلەرىنىڭ تەحنيكالىق جاراقتالۋىن ودان ءارى نىعايتۋ جونىندەگى شارالار دا تالقىلاندى. ينفراقۇرىلىمدى دامىتۋعا جانە كادرلاردى دايارلاۋعا ەرەكشە نازار اۋدارىلدى, بۇل تەحنيكانى جاڭارتۋمەن بىرگە جۇيەنىڭ كەز كەلگەن قاۋىپ-قاتەرگە دەن قويۋعا جالپى دايىندىعىن ارتتىرۋعا باعىتتالعان.
