اقپارات قۇرالدارىنىڭ قولداۋى وتە ماڭىزدى

ەلىمىزدە داعدارىسقا قارسى دەر ۋاقىتىندا شارالار جۇزەگە اسىپ جاتىر. ەلباسىنىڭ قاتىسۋىمەن وتكەن ۇكىمەتتىڭ كەڭەيتىلگەن ءماجىلىسى جاھاندى ۋىسىندا ۇستاپ وتىرعان داعدارىستان شىعۋدىڭ ىشكى مۇمكىندىكتەرىن ورتاعا سالدى. نەگىزى, ەلىمىزدە داعدارىسقا قارسى باعدارلاما الدىمەن ەلباسى نۇرسۇلتان نازارباەۆتىڭ «نۇرلى جول – بولاشاققا باستار جول» جولداۋى دەر ەدىم. قازاقستان بۇگىنگى الەمدە قارا دارا بولىپ ءومىر سۇرە المايدى. ءبىز الەمدىك ەكونوميكامەن بايلانىستى ۇزە المايمىز. كوپتەگەن ەلدەردى قامتىپ وتىرعان قارجى-ەكونوميكالىق داعدارىستىڭ سالقىنى ءبىزدى دە شارپيتىنى انىق. سوندىقتان ەلىمىز قالىپتاسىپ وتىرعان جاعدايدى شىنايى قابىلداپ, وعان تيىسىنشە دايىن بولۋى كەرەك. بۇل ورايدا, ءبىزدىڭ مەملەكەت باسشىسى مەن ۇكىمەت كورەگەن, كاسىپتىك دەڭگەيدە ءىس-قيمىل جاساپ وتىر. نۇرسۇلتان نازارباەۆتىڭ ساياساتكەر­لىگى بىلىممەن قاتار, حالىق دانالىعى­نان دا سۋسىنداۋىمەن ەرەكشەلەنەدى. ءبۇ­گىن تويىپ وتىرىپ, ەرتەڭگىنى ويلاپ قويۋ ­تۋرالى حا­­­­لىقتىڭ ەسكەرتپە-دانالىقتارى جەتەرلىك. نۇرسۇلتان ءابىش ۇلىنىڭ وسى ۋاقىتقا دەيىن جينالعان ۇلتتىق قوردان 2015-2017 جىلدار اراسىندا جىلىنا 3 ميلليارد دوللار قارجى بولۋگە جاسا­عان شەشى­مى وسىنى دالەلدەيدى. بۇل ەلدى داع­دارىس­تىڭ شىرماۋىنا تۇسىرمەي, تىعى­رىقتان شىعارار باستى جولدىڭ ءبىرى بولارى ءسوزسىز. ۇكىمەتتىڭ كەڭەيتىلگەن ماجىلىسىندە ىشكى مۇمكىندىكتەردى پايدالانۋعا زور ءمان بەرىلدى. ۇنەم ماسەلەسىنە كوپ ءمان بەرىلۋدە. داعدارىس كەلەدى, كەتەدى. ال حالىق قالادى. داعدارىس ۋاقىتتىڭ حالىققا سىنى دا سەكىلدى. سوندىقتان, قيىندىقتاردى جۇدىرىقتاي جۇمىلعاندا عانا ەڭسەرەمىز. ەڭ الدىمەن, قازاقستان­دىق پاتريوتيزم سولعىندانباۋى ءتيىس. جاڭا جۇمىس ورىندارىنىڭ اشىلۋى, بارىن قىسقارتپاي ساقتاپ قالۋ ءىستىڭ كوزىن تابۋعا بايلانىستى. ءبىزدىڭ ەلىمىزدە ونداي مۇمكىندىكتەر بار. قوستانايدىڭ وزىنەن وندىرىسكە دە, تۇتىنۋعا دا قاجەتتى بۇيىم­­­دار ءوندىرىلىپ جاتىر. سىرتتان كەلەتىن ارزان بۇيىمدارعا جۇگىرمەي, وزىمىزدە وندىرىلگەن ونىمدەردى الۋ نامىستىڭ, پاتريوتتىق كەلبەتتىڭ ءىسى بولسا, قانەكەي. قازاقستان­دىق كاسىپكەرلەر دە, تۇتىنۋشىلار دا مۇنى داعدارىستان شىعۋدىڭ جولى دەپ تۇسىنە­دى دەپ ويلايمىن. ونى بۇقارالىق اقپا­رات قۇرالدارىنىڭ قولداۋى, ارينە, كەرەك ءارى كوپ ىقپال ەتەرى ءسوزسىز. وسى ورايدا, بۇقارالىق اقپارات قۇ­رالدارى قىزمەتكەرلەرى مەن جۋرنا­ليستەردىڭ كاسىبي بىلىكتىلىگى زور ماڭىزعا يە ەكەنى انىق. ولار مەملەكەت باسشىسىنىڭ, ۇكىمەتتىڭ ساياساتىن تەرەڭ ءتۇسىنۋى كەرەك. ادامدارعا اقپارات قالاي جەتسە, ولار سولاي ويلانادى, سولاي جۇمىس ىستەيدى. ىشكى رۋحاني, ماتەريالدىق قۋاتى مىقتى ەلدەن داعدارىس تايعاناقتاپ كەتەدى. ءباسپاسوز وسىعان قىزمەت ەتۋى ءتيىس. سەرگەي حارچەنكو, ايماقتىق «كوستانايسكيە نوۆوستي» گازەتىنىڭ باس رەداكتورى. قوستاناي.