جاڭا جۇيەنىڭ پيلوتتىق ىسكە قوسىلۋى 2025 جىلعا جوسپارلانعان. ول بەس ءىرى كاسىپورىندا سىناقتان وتەدى. ال 2028 جىلعا قاراي بۇل تسيفرلىق پلاتفورما قاۋىپ-قاتەرى جوعارى بارلىق وندىرىستەر ءۇشىن مىندەتتى بولادى.
ايماقتا قازىردىڭ وزىندە 3786 كاسىپورىندى قامتيتىن «ەڭبەك تاۋەكەلدەرىنىڭ كارتاسى» اقپاراتتىق جۇيەسى جۇمىس ىستەپ تۇر. 2025 جىلعى 25 ساۋىردەگى دەرەكتەرگە سايكەس:
– 31 كاسىپورىن الەۋمەتتىك تۇراقسىزدىق قاۋپى جوعارى ساناتقا جاتقىزىلعان;
– 49 كاسىپورىن — ورتاشا تاۋەكەل دەڭگەيىندە;
– 3705 كاسىپورىن — ەڭ تومەنگى تاۋەكەل دەڭگەيىندە.
كارتا ىسكە قوسىلعاننان كەيىن, ەڭبەك ينسپەكتورلارى 170 كاسىپورىندى جوعارى تاۋەكەل ايماعىنان شىعارىپ, 3800-دەن استام جۇمىسشىنىڭ قۇقىعىن قورعاۋعا قول جەتكىزدى. وسى ۋاقىت ارالىعىندا 42,1 ملن تەڭگە كولەمىندەگى جالاقى قارىزى وتەلىپ, ەڭبەك زاڭناماسىنىڭ 72 بۇزۋشىلىعى انىقتالدى. 25 جۇمىس بەرۋشى اكىمشىلىك جاۋاپكەرشىلىككە تارتىلىپ, 8,1 ملن تەڭگە ايىپپۇل سالىندى.
ەڭبەك قاۋىپسىزدىگى سالاسىنداعى تسيفرلاندىرۋدى دامىتۋ دۇنيەجۇزىلىك ەڭبەك قاۋىپسىزدىگى كۇنىنە ورايلاستىرىلعان.
شىعىس قازاقستان وبلىسى
