فوتو: اقوردا
اسكەري پاراد وتكىزۋ – ۇلى وتان سوعىسىنداعى جەڭىستى مەرەكەلەۋدىڭ ءبىر فورماسى عانا ەمەس, ەڭ باستىسى, پرەزيدەنت اتاپ وتكەندەي, ەلدىك پەن بەيبىت ءومىر ءۇشىن كۇرەسكەن باتىر بابالارىمىزدى ۇلىقتاۋ, قان-مايداندا قازا تاپقان بوزداقتارعا تاعزىم ەتۋ.
سونىمەن قاتار, 7 مامىر – وتان قورعاۋشىلار كۇنى ەكەنىن دە ۇمىتپاۋىمىز كەرەك. بۇگىن ءبىز ماقتان تۇتاتىن ەلىمىزدىڭ ەليتالى قارۋلى كۇشتەر بولىمشەلەرى, اسكەرىمىزدىڭ تەحنيكالىق قۋاتى كورسەتىلدى.
مەملەكەت باسشىسى « ۇلى وتان سوعىسىنىڭ ارداگەرلەرىنىڭ ەسىمدەرى مەن ەرلىگءى ەشقاشان ۇمىتىلمايدى!» دەدى.
پرەزيدەنت سۇراپىل سوعىستا تاباندىلىق تانىتقان بارلىق ارداگەرلەرگە العىسىن ايتىپ, «اعا بۋىننىڭ وشپەس ەرلىگى – ۇرپاققا ۇلاعات, وتانشىلدىعى مەن جانقيارلىعى – ۇلگى-ونەگە» ەكەنىن ەرەكشە اتاپ ءوتتى.
قازاق حالقى ەجەلدەن ءوزىنىڭ ادامگەرشىلىگىجانە ار-نامىسىنا ادالدىعىمەن تانىمال. مەملەكەت باسشىسى اتاپ وتكەن «جانىم – ارىمنىڭ ساداعاسى» دەگەن قاعيدا بۇگىن دە وزەكتى.
شەرۋ سوڭىندا مەملەكەت باسشىسى قاسىم-جومارت توقاەۆ اسكەري قولباسشىلارمەن سۋرەتكە ءتۇستى.
